Šloahta sálat ja lanjat

Gonagaslaš šloahta ovddastanlanjain oaidná iešguđetlágan stiilasurggiid mat ledje iešguđet áiggi mállet dat 25 jagis mii manai šloahta ceggemii. Dáppe gavdnojit pompeianska seaidnemáleriijat Stuora – ja Beaivválaš boradansálas, našunálromantihkka Loddelanjas ja badjáneaddji ođđarokokko Vilges saloŋgas. Dasa lassin heivehuvvojedje stohpoortnegat dan mielde maid viesu ássit ieža liikojedje ja sin dárbbuide. Viesu arkitektuvrras oidno maŋitempire ja ođđaklassihkalaš málle.

Vestibylen

Vestibylen lea norgga klassihkalaš áiggi arkitektuvrra váldoduodji ja lea vuosttaš latnja masa guossit bohtet go bohtet Gonasgaslaš šlohttii.

Statsrådsalen

Sála stuora čuovgaruvnnos lea čála ”Med lov skal land bygges” gollehuvvon bustávaiguin. Čála lea váldojuvvon Frostatinglágas, čállojuvvon birrasii 1260.

Fugleværelset

Loddelanja hervemat speadjalastet badjáneaddji našuvnnalaš dihtomiela, mii dalá áiggis maid čájehuvvui go beroštišgohte eanet ja eanet norgga luonddus ja historjjás.

Den daglige spisesal

Šloahttaarkiteavtta Linstow mielas lei dehálaš bidjat beaivválaš borransálii lotkes viessodávviriid ja hervemiid, mat seammás galge doalvut feastamiellaláhkái, ja mat eai galgan dagahit beare stuora goluid.

Den store spisesal

Gehppes ja čábbát sárgojuvvon govvosat lea Stuora boradansála hervemiid mihtilmasvuohta. Dáiddalaččat ordnejuvvon lieđđehearvvat, roseahtat, rássebáttit ja palmeahtat gorkŋodit seinniid ja robi mielde.

Store festsal

Stuora feastasála lea dat latnja Šloahtas masa lea eanemus golahuvvon. Sála lea 360 njealjádasmettera stuoru ja das leat guokte etáša, allodat rohpái lea 10,7 mettar.

Slottskapellet

Šloahta vuođđogeađgi lea biddjojuvvon Šloahttakapealla áltára vuollái. Dat muitala ollu dan birra makkár mearkkašupmi šloahttakapellii biddjojuvvui oassin gonagaslaš šloahtas.