Sami
Ruoktotboahtin
Geassemánu 7. beaivvi lea 75 jagi dan rájes Gonagas Haakon máhcai ruoktot maŋŋel 2. máilmmisoađi. Máŋga čuođi duháha olbmo sávve Gonagassii ja Ruvdnaprinsabárrii buresboahtima go sii bohte gáddái.
– Lei heajos dálki – nu ahte mii eat oaidnán gátti, muhto mun muittán bures smávva fatnasiid mat bohte min ovddal olgolis Oslovuonas, muitala Prinseassa Astrid, Ferner roavvá.
- Dat lei min vuosttaš deaivvadeapmi «Norggain». Buot fatnasat ledje čiŋahuvvon lasttaiguin ja norgga leavggaiguin. Dađistaga go borjjasteimmet siskeliidda Oslovuona, de bohte ain eanet fatnasat. Loahpas ledje nu ollu fatnasat ahte mii daid mielde livččiimet sáhttán gáddái vázzit goikejulggiid.
Govva: NTB scanpix
Áigeguovdil
Ruoktotboahtin geassemánu 7. beaivvi 1945
Odne lea 75 jagi dan rájes Gonagas Haakon máhcai ruoktot maŋŋel 2. máilmmisoađi. Máŋga čuođi duháha olbmo sávve Gonagassii ja Ruvdnaprinsabárrii buresboahtima go sii bohte gáddái.
Lihkku beivviin!
Gonagasbearaš ávvudii Našunálabeaivvi sihke Askeris ja Oslos, ja sii čužžo Šloahttabalkoŋggas go buohkat lávlo "Ja, vi elsker" diibmu.
Miessemánu 17. beaivvi ávvudeapmi
Gonagasbearaš lea badjel 100 jagi juo vuostáiváldán mánáidtogaid Šloahttabalkoŋggas Oslos. Dán árbevieru álggahii Gonagas Haakon 1906:s. Dál lea mánáidtoga ja miessemánu 17. beaivi measta seamma ášši, muhto nu ii leat álo leamaš.
