Šloahttašiljus
Maŋŋelgaskabeaivve bohte Majestehtat Gonagas ja Dronnet, Dronnet Sonja ja Prinseassa Märtha Louise Šloahttašiljui – lagabuidda geahččat lieđđeábi ja daid olu dearvvuođaid mat leat biddjon Gonagas Haralda muitun.
Borgemánu 31. beaivi 2026
Dán njealljásis lei guđesge rukses ruvsu man bidje daid olu duháhiid liđiid searvái mat leat biddjon Šloahttašilljui maŋemus beivviid.
Dalle juo go bođii diehtu ahte Gonagas Haralda dearvvašvuođadilli lei duođalaččat vearáskan, ihte vuosttaš lieđit. Dan njealji beaivvis mat leat gollan su eretvádjoleami rájes, leat leavvan lieđit, čuovggat, leavggat ja dearvvuođat miehtá šilju.
Oallugat leat háliidan dahkat earrodearvvuođaid Gonagas Haraldiin dáinna lágiin. Gonagas Haakon celkkii sidjiide earenoamáš giitosiid muitosártnis maid doalai áhččásis.
– Mii leat morrašis. Seammás addá jeđđehusa ja givrodaga ahte nu oallugat moraštit minguin fárrolaga. Lea leamaš fámolaš ja njuorrasahtti vásáhus oaidnit Šloahttašilju gos leat dievva olbmot, lieđit, dearvvuođat ja čuovggat. Ollu giitu!
Gonagas Haakon VIII muitosártnis Gonagas Haraldii borgemánu 29. beaivve 2026
Šloahttašillju lea maiddái erenoamáš čáppat eahkes ja ihkku, go leat cahkkehuvvon olu čuovggat ovddabealde Šloahta ja Gonagas Carl bácci birra.
