Vuortnui su váli Vuođđoláhkii
Odne lea Majestehta Gonagas Haakon VIII vurdnon iežas váli riika vuođđoláhkii. Váli vuordnun čalmmustahttá ahte monarkka fápmu ja váldi lea ráddjejuvvon ja regulerejuvvon Vuođđolága mearrádusain.
Čakčamánu 1. beaivi 2026
Mun lohpidan ja vuortnun ahte dáhtun ráđđet gonagasriika Norgga dan vuođđolágalaš ja lágalaš mearrádusaid ektui, nu ahte veahket mu Ipmil, Buotveagalaš ja Buotdiehtti!
Gonagas Haakona váli vuordnun Vuođđoláhkii Stuorradikkis čakčamánu 1. beaivve 2026
Gonagas Haakon logai maiddáicealkámuša Stuorradiggái mas dovddahii doaivaga ahte dat buorre oktavuohta mii lei leamaš gaskal Stuorradikki ja gonagasaid su ovdal, ain doalahuvvo ja ovdána.
– Dronnetja mun dáhtto duođaštit ahte letne gergosat bálvalitmin riikka ja dan álbmoga munno daguid bokte. Dán árbevieru mielde lean maiddái mun, Norgga Gonagassan, váldán válgasániid «Buot Norgga ovddas».
Stuorradiggepresideantta sánit
Stuorradiggepresideanta Masud Gharahkhani logai jitnosit Stuorradiggái almmuheami ahte Gonagas Harald V lei jápmán. Nugo lea árbevierrun de son doalai guokte sártni: Gonagas Harald V muitosártni ja sártni ođđa gonagassii.
– Olles riika morašta go lea massán monarkka gii 35 jagi lea bálvalan su riika ovddasvástádusain, stuora duostilvuođain ja áibbas erenoamáš liekkusvuođain, logai Gharahkhani.
– Historjját maid mii dál juogadit juohke sajis, leat fámolaš ja rehálaš dovddastusat das makkár erenoamáš sadji sus lei min váimmuin. Monarka gean čiekŋalit leat ráhkistan, gii lei duostil ja ođasmahttu, lea min guođđán.
Muitosártni maŋŋel lei minuvtta jaskatvuohta Gonagas Haralda gudnin.
Sánit ođđa gonagassii
Stuorradikki bealis sávai Stuorradikki presideanta bures boahtin Majestehtaide Gonagas Haakonii ja Dronnet Mette-Maritii iežaska bargguide. Sártnistis son čujuhii sihke vássán árbevieruide ja boahtteáigái.
– Majestehta boahtá Stuorradiggái vuordnut váli Vuođđoláhkii man gonagasviessu oskkáldasat lea bálvalan 1905 rájes. Vuosttaš sártnis norgga álbmogii gonagassan, de Majestehta gesii ovdan álbmotstivrra ja riektastáhta. Váli man odne vuortnut, lea geatnegasvuohta dása. Dat čatná oktii buolvvaid, gonagasa ja álbmoga.
Les stortingspresidentens taler
Čájeha 8 oktiibuot 23
Ruvdnoprinseassa válli
Maiddái Ruvdnoprinseassa Ingrid Alexandra vuortnui odne váli Vuođđoláhkii, muhto dat lei čálalaččat. Truvdnoárbbolačča válli lea čállojuvvon Vuođđolága § 44 ja lea eaktun dasa ahte son sáhttá doaibmat regeantan jus Gonagas ii leat das.
Ruvdnoprinseassa vuolláičálii váli Šloahtas. Dasto dat fievrriduvvui Stuorradiggái gos hoava hoavda maŋŋelgaskabeaivve geigii dan Stuorradiggepresidentii.
§ 9.
Nu jođánit go gonagas, válddálašvuođaagis, álgá ráđđehussii, de son vuordnu čuovvovaš váli Stuorradiggái: "Mun lohpidan ja vuortnun ahte áiggun ráđđet gonagasriikka Norgga riikka konstitušuvnna ja lágaid mielde, nu duođai go Ipmil buot veagalaš ja buotdiehtti mu veahkeha!"
Jus dan áigge ii deaivva leat Stuorradiggi čoahkkanan, de dahká váli čálálaččat stahtaráđis ja geardduhuvvo Gonagasa bokte allaáiggálaš meanuin vuosttaš stuoradikkis.
Historjá
Lea árbevierru ahte ođđa gonagas vuordnu váli Vuođđoláhkii allamenolaš seremoniijas olles Stuorradikki ovddas.
Gonagas Harald dagai nu ođđajagimánu 21. beaivve 1991. Stuorradiggi ii lean ollásit čoagganan go Gonagas Olav V čuovvolii áhčis Norgga gonagassan. Danin son vuortnui váli čálalaččat go Gonagas Haakon vádjolii čakčamánu 21. beaivve 1975, ja de geardduhii dan Stuorradikki rahpamis ođđajagimánu 20.beaivve 1958. Gonagas Haakon VII vuortnui váli skábmamánu 27. beaivve 1905.