Gonagas Harald eretvádjoleami geažil gártet dán neahttasiiddus leat soames boasttuvuođat muhtun áigge ovddosguvlui.

Buot Norgga ovddas

Odne, bearjadaga borgemánu 28. beaivve, diibmu 11.30, lágiduvvui erenoamáš stáhtaráđđečoahkkin Gonagaslaš šloahtas. Majestehta Haakon VIII almmuhii virggálaččat stáhtaráđđái ahte Gonagas Harald V lei eretvádjolan.

Borgemánu 28. beaivi 2026

Govva: Majestehta Gonagas Haakon VIII ovdal erenoamáš stáhtaráđđečoahkkima Gonagaslaš šloahtas. Govven: Ola Vatn, Gonagaslaš hoava

Majestehta Gonagas dieđihii:

Stáhtaministtar ja stáhtaráđit:
Lea mu geatnegasvuohta dieđihit Stáhtaráđđái ahte mu ráhkis áhčči, Majestehta Gonagas Harald V, jámii odne, borgemánu 28. beaivvi 2026, diibmu 06:35, ja ahte Vuođđolága mearrádusaid mielde de mun searvvan ráđđehussii Norgga Gonagassan.

Mun válddán nama Haakon VIII ja joatkán seamma válgasániiguin maid mu áhčči, áddjá ja máttaráddjá ledje válljen: "Buot Norgga ovddas."

Mun válddán nama Haakon VIII ja joatkán seamma válgasániiguin maid mu áhčči, áddjá ja máttaráddjá ledje válljen: "Buot Norgga ovddas."
GonagasHaakon VIII erenoamáš stáhtaráđis Gonagaslaš šloahtas

Erenoamáš stáhtaráđđečoahkkin

Gonagas Haakon ja Ruvdnaprinseassa Ingrid Alexandra ovttas stáhtaráđiin Gonagasa beavddi birra. Govven: Lise Åserud / NTB

Gonagas Haakon Stáhtaráđđesálas su máttarádjá, Gonagas Haakon VII, bácci bálddas. Govven: Lise Åserud / NTB

Gonagas Haakon dearvvaha stáhtaministara. Govven: Heiko Junge / NTB

Ruhtadanministtar Jens Stoltenberg čállá earrodearvvuođaid. Govven: Heiko Junge / NTB

Stáhtaministtar Jonas Gahr Støre čállá su earrodearvvuođaid maŋŋel erenoamáš stáhtaráđi. Govven: Heiko Junge / NTB

Gonagas Haakon giittii ráđđehusa miellahtuid ja norgga álbmoga go leat dorjon ja čájehan ovddasmorraša Gonagasbearrašii dán áigodagas.

Gonagaslaš Allavuohta Ruvdnaprinseassa Ingrid Alexandra oassálasttii erenoamáš stáhtaráđis ja čohkkedii áhčis báldii.