Gonagas Harald gistu lea ollen Šlohttii
Majestehta Gonagas Haakon, Majestehta Dronnet Mette-Marit, Gonagaslaš Allavuohta Ruvdnaprinseassa Ingrid Alexandra, Dronnet Sonja, Prinsa Sverre Magnus ja Prinseassa Märtha Louise mieđuštedje Gonagas Haralda gisttu Riikahospitálas Gonagaslaš Šlohttii.
Borgemánu 28. beaivi 2026
Gistu ja gonagaslaš joavku álggahii mátkki Riikkahospitála kapeallas, ja juohke sajes gitta Šlohttii ledje čoahkkanan olu olbmot dahkat earrodearvvuođaid Gonagas Haraldii.
Gonagas Haralda gistu loahpahii mátkki go joavddai Gonagaslaš šlohttii Parkveien bokte. Majestehta Gonagasa Garde vuostáiválddii gistobiilla. Drillajoavku lei vuordime, ja guokte čuojaheaddji čuojaheigga Parademarsja.
Maŋemus mehteriid Šloahta sisa váccii Majestehta Gonagasa Hoavahoavda gistobiilla ovddabealde. Biilla maŋábealde váccii Gonagas Haralda priváhta čálli ja su maŋis bohte gávcci adjutántta.
Šloahtas vurde Gonagas Haralda be aš,Hoava jođiheaddjit ja Gonagas Haralda kámmárveahkki. Gonagas Haralda gisttu gudde adjutánttat Rukses saloŋgii Šloahtas.