Hopp til hovedinnhold

Mågerø

Gonagasbára priváhta geassebáiki, Mågerø, lea muhtun njárggas Tjømes, lulábealde Tønsbeargga.

1992:s hálidii Gonagasbárra hábmet iežaska ođđa geassebáikki. 60 arkiteavtta dieđihedje dasa beroštumi ja golmmas sis serve arkiteaktagilvui. Vuoitoprošeakta, maid Lund Hagem Arkitekter A/S lei čállán, válljejuvvui, earet eará danin go dat soabai buoremusat oktii luondduin. Ledje ollu eavttut vuođđun gilvui, mat sisttisdolle sihke ekonomalaš beliid ja estehtalaš váldonjuolggadusaid. Viessu galggai leat ođđaáigasaš, ii badjelmearálaš ja dat galggai ráhkaduvvot luondduávdnasiin.

1993 geasi beasai Gonagasbárra váldit báikki atnui.

Arkitektuvra

Geassebáikái gullet máŋga vistti. Dálá áiggi vuođđojurddašeami friddja plána mielde leabbanit visttit dan rámšo eatnama mielde. Visttit mat leat ráhkaduvvon heavvalkeahtes panelain ja roavva luonddugeđggiin. Muhtun láset leat dego govat seainnis ja eará láset ges leat stuora rabas várddus viidodagat mat luitet luonddu sisa iešguđetládje.

Leat válljen ođđaáigasaš málle dološ norgga huksenárbevieru vuođđohámiide. Viessu ii galgga nuoskkidit luonddu, ii fysihkalaččat iige oinnolaččat, muhto dat galgá vuoigŋat ovttas eatnamiin ja suddat oktan luonddubirrasiin.

 

09.02.2015

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas