Hopp til hovedinnhold
Oscarshall. Govva: Liv Osmundsen, Gonagaslaš hoavva
Oscarshall. Govva: Liv Osmundsen, Gonagaslaš hoavva

Oscarshall

Oscarshall hervvoštallanšloahtta lea Frognerkilen bealde Bygdøyas Oslos. Lei Gonagas Oscar I ja Dronnet Joséphine geat dáhtuiga ahte dat galggai huksejuvvot, ja šloahtta lei gárvvis 1852:s. Dán šloahta geavaheaddji lea dál Gonagas Majestehta, muhto lea norgga stáhta mii dan oamasta.


Ollu dan áiggi norgga dáiddárat ožžo bargun ráhkadit dáidaga Oscarshállii, ja dál lea ge dát hervvoštallanšloahtta dego monumeanta mii čájeha gaskkamuttos 1800 – logu norgga dáidaga ja dáiddaindustriija. Hervvoštallanšloahtta gohčoduvvo ođđagotihkalaš váldoduodjin Norggas ja lea okta riikka deháleamos našunálromantihkalaš muitomearkkain. 1881:s rabai Gonagas Oscar II šloahta dávvirvuorkán gos olbmot sáhttet finadit.


Oscarshall hervvoštallanšloahtta lea rabas álbmogii geasiáiggi.