Gonagaslaš čoakkáldagat

Gonagaslaš čoakkáldagat lea Šloahta kulturgaskkusteami ovddasvástideaddji. Dat hálddaša ja seailluha daid ollu dávviriid mat čoakkáldagain leat, ja gaskkusta kulturárbbi čájehemiiguin, čájáhusain ja lágidemiid bokte.

Gonagaslaš šloahtta lea dábálaččat rabas álbmogii, dábálaččat Mihcamáraid rájes gaskkamuddui borgemánu. Šloahta oahpisteaddjit čájehit gussiide Šloahta čábbámus ja deháleamos sálaid ja lanjaid. Geasset lea maid vejolaš fitnat hervvoštallanšloahtas Oscarhállas Dat lea čáppa báikkis Bygdøyas, jur olggobealde Oslo gávpotguovddáža, čáppa romantihkalaš párka birastahttá šloahta. Oahpisteaddjit čájehit gussiide hervvoštallanšloahta maid min eanemus beakkálmas gaskkamuttus 1800-logu dáiddárat leat čiŋahan.

Dronnet Sonja DáiddaStáljas leat čájáhusat ja kulturlágideamit birra jagi. Leat iešguđetlágan čájáhusat. Muhtomin leat norgga dáiddáriid  sierra čájáhusat, ja eará háviid čájehit Gonagaslaš čoakkáldagaid dáidaga ja árvodávviriid.

Gonagaslaš čoakkáldagat lágidit maid ovttas Šloahta gartneriijain váccašemiid Šloahttapárkkas ja Oskarhálla párkkas.