Øvre vestibyle. Govva: Jan Haug, Gonagaslaš hoavva.

Rabas šloahtta

Gonagaslaš šloahtta lea juohke geasi rabas álbmogii Mihcamáraid rájes borgemánu rádjái. Oahpisteaddjit čájehit gussiide šloahta. Oahpisteaddjit čájehit gussiide Šloahta deháleamos ja čábbámus ovddastanlanjaid. Sii fitnet Stáhtaráđisálas, gos Gonagas Majestehta doallá Ráđđehusain stáhtaráđđečoahkkimiid, Stuora boradansálas gosa čáhket 220 málesguossi, ja Šloahta čábbámus guosselanjaid ja Gonagas Haakona lanja, earet eará. Juohke jagi lágiduvvo maid sierra čájáhus oassin gussiid oahpisteapmái.

Buoremus lea oastit ovdagihtii bileahta Ticketmasteris. Dušše muhtun oasi bileahtain vuovdit sisabeassan báikkis, ja daid ostet hui johtilit buot. Bileahtaid sáhttá oastigoahtit juo njukčamánus juohke jagi.

Čuovo vuolábealde čujuheaddji, gos gávnnat dárkilit dieđuid rahpanáiggiid, bileahttahattiid ja eará praktihkalaš áššiid birra.

Šloahta oahpisteapmi

Álbmotáigodagas leat juohke beaivvi oahpisteamit Šloahtas – máŋgga geardde diimmus. Buohkat galget čuovvut oahpisteaddji, ja sii fitnet Šloahta deháleamos ja čábbámus lanjain.

Dieđut oahpisteami birra Šloahtas

Dás leat vástádusat gažaldagaide mat olbmuin dábálaččat leat oahpisteami birra Šloahtas ja eará lágidemiid birra Šloahtas.

Gonagaslaš šloahtta

Šloahtta mii lea Oslos gárvvistuvvui 1849:s, ja lei Oscar I gii vihahii dan. Gonagasviesu beaivválaš doaimmat čađahuvvojit Šloahtas.