Hopp til hovedinnhold

Oahpisteamit Šloahtas

Gonagaslaš šloahtta lea geasset rabas álbmogii. Bileahttavuovdin álgá álo njukčamánu 1.beaivvi dan jagi lágidemiide.

Buohkat geat juo leat oastán bileahtaid oahpistan lágidemiide mat eai sáhte čađahuvvot, ožžot ruđa ruovttoluotta.

Oahpisteamit gussiide

Buohkat geat fitnet Šloahtas, galget čuovvut lágiduvvon oahpisteami.  Geasi áiggi lágiduvvojit oahpisteamit juohke 15.-20.minuhtas beaivválaččat rahpanáiggi.

Lassin dasa ahte guossit besset oaidnit Šloahta čábbámus sálaid, de lágiduvvon juohke jagi sierra čájáhus.

Vilges saloŋga. Govven: Øivind Möller Bakken, Gonagaslaš hoavva.

Rahpanáiggit ja bileahtat

Dárkilit dieđuid rahpanáiggiid ja bileahttahattiid birra gávnnat diehtoruvttuin olgešravddas (dahje siiddu vuolábealde jus geavahat mobiilla).

Juohke jagi bileahttavuovdin álgá álo njukčamánus 1.beaivvi. Dušše muhtun oasi bileahtain vuovdit sisabeassan báikkis, muhto mii ávžžuhit oastit bileahtaid ovdagihtii, danin go sisabeassan báikki bileahtaid vuvdet hui johtilit buot.

Ticketmaster.no

Sisdoallu

Lassin čájáhussii, besset guossit čuovvut oahpisteaddji guhte čájeha Šloahta čábbámus ovddastanlanjaid, nugo Ministtarsála ja Vilges saloŋgga. Beassat maid fitnat Loddelanjas, gos buohkat sii geat vurdet beassat Majestehta Gonagas audiensii vurdet goas dal bovdejuvvojit sisa. Guossit besset maid fitnat Šloahta feastasálain.

Unna ja Stuora feastasálat geavahuvvojit stuorát lágidemiide, ja go Šloahtas leat gállamállásat, de sáhttet lágidit badjel 200 gussiide boradansajiid Stuora boradansálas.

Šloahttakapealla. Govven: Øivind Möller Bakken, Gonagaslaš hoavva

Eanet dieđut

Rabas Šloahta telefunnummar lea 22 04 89 64. Doppe leat bargit gaskal diibmu 10.00 -17.00  dan áiggi go dat lea álbmogii rabas.

10.06.2022

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas