Hopp til hovedinnhold

Dronnet Sonja DáiddaStállja

Dronnet Sonja DáiddaStállja lea Šloahta boares stáljain. Doppe čájehuvvojit iešguđetlágan čájáhusat ja dávvirat Gonagaslaš dávvirvuorkkáin.

Diet boares stállja lea iešalddis juo geahččanveara. Dalle go DáiddaStállja galggai ásahuvvot, de ovddeštedje ja divodedje dan stuora sála gos heasttat láveje leat. Ja dál dat lea ge šaddan seamma ovddolaš go dolin lei, dalle go Gonagas Haakon ja Dronnet  Maud heasttat ledje doppe.


Merk:

På grunn av koronasituasjonen og nye smittevernstiltak fra byrådet i Oslo, holdes Dronning Sonja KunstStall stengt fra og med torsdag 12. november. 
Billetter kjøpt via Ticketmaster refunderes ved henvendelse til ticketmaster.no. Vi oppdaterer informasjonen fortløpende. Ved spørsmål, ring 957 27 313.


DáiddaStáljas lágiduvvojit iešguđetlágan čájáhusat, ja doppe lágiduvvojit maid miellagiddevaš lágideamit muhtomin, nugo earenoamáš čájeheamit, logaldallamat, konsearttat ja sullasaččat.

Lágideamit almmuhuvvojit Facebookas

Čájáhusat

Vuosttaš čájáhus Dronnet Sonja DáiddaStáljas rahppojuvvui suoidnemánu 4.beaivvi 2017. Dá leat čájáhusat mat leamaš dán rádjái:

Gonagaslaš stállja

Stálljavisttit huksejuvvojedje gaskal 1845 ja 1848 , šloahttaarkiteavtta H.D.F. Linstow tennjegiid mielde, ja Gonagas Haakon ja Dronning Maud viiddideigga daid 1911:s. Gonagaslaš heastadoalu árbevieru fievrredii Dronnet Maud Englánddas, ja stálja huksemii geavahuvvui The Royal Mews ovdagovvan, mii lea Buckingham Palace stálljarusttet. Viiddiduvvon stálljavisttiide čáhke ollu ođđa doaimmat, nugo riidenvisti mas lea sierra gehččiidossodat ja musihkka tribune, badji ja buohccistállja.

Ruvdnenvovdna máhccamin Šlohttii maŋŋil Stuoradikki almmolaš rahpama 1932. Šloahta stáljaide čáhke eanemusat 38 heastta. Govvejeaddji: Carsten Sætren, Gonagaslaš čoakkáldagat.

Dronnet Maud dáhtu mielde virgáibiddjojuvvui brihttalaš stálljahoavda ja áiggi mielde 13 stálljabargi geat ásse gaskastáljaid 2. etášas. Gaskastáljaide sáhtte čáhkat 38 heastta, ja dasa lassin vel vovnnat, heasttaid leaŋgabiergasat ja salat.

Maŋŋil go Dronnet Maud jámii 1938:s, unnui heastadoallu, ja maŋemus heasttat jávke Gonagaslaš stáljain dakka maŋŋá go soahti álggii 1940:s. Go Gonagasbearaš máhcai Šlohttii 1945:s, de lei biilasáhttu. Heasttaid áigi lei vássán.

Dronnet Sonja Dáiddastálja rahpan mearkkaša ahte boares stállja šaddá fas ealas. Hiŋgaliin gokko heasttat okte čužžo, dain besset geahččit dál vásihit dáidaga ja historjjá.

Gonagaslaš leaŋgagámmir

Go heasttat vulge eret stáljas maŋemus geardde, de bázii stállja vuorkábáikin ja garášan 75 jagi. Muhto okta latnja orui duohtatkeahttá. Dan uksa dahppojuvvui ja latnja  «vajáldahttojuvvui». Dat lei Gonagaslaš leaŋgagámmir,  latnja gos vurkkoduvvojedje buot leaŋggat, sálat ja biergasat mat gullet heasttaide ja heasttagearruide.

Dien lanjas lea áigi bisánan. Buot lea nugo dalle go leaŋggat heŋgejuvvo dohko maŋemus geardde. Assás lásiid duohken, alla láseskábiid siste, láhttis gitta dáhkevuollái, heaŋgájit buot heastadávvirat čábbát ordnejuvvon. Doppe leat roseahtta páradegearruid dávvirat, kruvnnot ja riikkavearju – ja dávvirat priváhta fievrruide. Juohke dávvir lea earenoamážit heivehuvvon guđege heasttagerrui ja guđege heastta sturrodahkii ja iešvuođaide – danin go biergasat galget hui bures bissut sajis. Dien láhkái vuhtiiváldi sihke gonagasa, vuoddji ja heastta sihkarvuođa.

Norsk video: Prinsesse Märtha Louise ønsker velkommen til Det kongelige selekammer. Selekammeret har aldri tidligere vært tilgjengelig for publikum. Foto: Christian Lagaard, Det kongelige hoff

Dien gámmiris ii rievdaduvvon mihkkege dalle go stálja ođasmahtte. Dat lea juste seammaládje dál, go lei dalle go uksa giddejuvvui.

Leaŋgagámmir rahppojuvvui álbmogii DáiddaStálja nuppi čájáhusa oktavuođas, mii lei: «Gonagaslaš stállja. Heastadoallu ja ekvipašat 1905-1940». Jietna muitala gussiide dán ovddolaš gámmira birra. Lea Prinseassa Märtha Louise jietna mii lea báddejuvvon– son lea Gonagasbearrašis dat guhte eanet go earát lea fievrredan viidáseappot Gonagasbearraša riidenárbevieru, maŋŋel Dronnet Maud.

Heasttaid boares hiŋgalat leat ain oassin stálja dávviriin, maiddái maŋŋil go stállja lea šaddan DáiddaStálljan. Govva: Jan Haug, Gonagaslaš hoavva

Ođđa lieđđun

Stálja geavaheapmi lei  Majestehta Gonagasa skeaŋka Dronnegii. Diet boares stállja lei lei geavahuvvon vurkkodanbáikin 2.máilmmisoađi rájes. Dál dat galggai ordnejuvvot dáidda ja kultuvrra gaskkustanbáikin.

DáiddaStállja rahppojuvvui almmolaččat Dronnega 80-jagi beaivvi, suoidnemánu 4.beaivvi 2017, ja beaivvi maŋŋil vuostáiválde sii vuosttaš gussiid. Dát oassi Šloahtas ii leat leamaš rabas álbmogii ovdal.

Dronnet Sonja DáiddaStálja rahpamiin lieđđugođii diet boares stállja ođđasis. Hiŋgalat gos heasttat čužžo ovdalaš áiggi, leat dál rievdan báikin gos olbmot besset návddašit dáidaga, giehtadujiid ja historjjá.

11.08.2020

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas
Fáktadieđut

Rahpanáiggit 

Mii čájehit čájáhusa "Slottet + Munch" 04.07.2020 rájes 17. 01.2021 rádjái.

  • Duorastat - sotnabeaivi 11.00 ja 16.00 

Mii lávet muhtomin šaddat doallat gitta giddejuvvon lágidemiid dihte. DáiddaStállja lea maid gitta daid áiggiid go čájáhus váldojuvvo eret dassážii ođđa čájáhus lea fas sajis ja rahppojuvvo. Rahpanáiggiid rievdamiin oainnát Facebookas ja dáppe Kongehuset.no 

Dronnet Sonja DáiddaStállja. Govva: Nina Ilefeldt, Gonagaslaš hoavva
Fáktadieđut

Bileahtat DáiddaStálljii

Bileahtaid oasttát Ticketmasteris. Muhtun unna oasáža bileahtain vuovdit DáiddaStáljas.

Bileahttahattit:

  • Rávisolbmot: 120,-
  • Honnør: 100,-
  • Manát (6-17 jagi): 100,-

  • Vuollel 6 jahkásaš mánáide lea nuvttá sisabeassan
  • Doaibmahehtten olbmuid mielčuovvuide lea nuvttá sisabeassan

  • Dan áiggi go Šloahtta lea rabas,lea vejolaš oastit bileahta mainna beassá sihke Gonagaslaš šloahta čájeheapmái ja DáiddaStálljii. Kombinašuvdnabileahta oažžu oastit dušše dan áigodaga go Šloahtta lea álbmogii rabas, ja dušše de go ovdagihtii oastá bileahta Ticketmasteris. Kombinašuvdnabileahtta máksá 200,-
Dronnet Sonja DáiddaStállja. Govva: Øivind Möller Bakken, Gonagaslaš hoavva