Njuike váldosisdollui

Šloahta arkitektuvra

Gonagaslaš šloahtta lea ráhkadus mas leat váldooassi ja guokte gilgaoasi. Dat lea golmmaetášat ja lea huksejuvvon ođđaklassihkalaš málle mielde. Viessu lea ráhkaduvvon pussejuvvon diilageđggiin.

Šloahtta huksejuvvui Gonagas Carl Johan ja Gonagas Oscar I áiggis, ja Hans Ditlev Franciscus Linstow lei arkiteakta. Son lei studeren huksendáidaga Københámman akademias, ja sus lei juridihkalaš ámmáteksamen.

Vuosttaš Gonagaslaš šloahta tevnnegiin mat ráhkaduvvo, lei buohkain dat vuođđohápmi ahte Šloahtta galggai leat olggosoaidnit dego H, go badjin dan geahččá, ja váldouvssa bealde galggai leat tempelhámát hárji stoalppuid alde. Ruđalaš sivaid dihtii unniduvvo huksenplánat.

Vuosttaš barggut álggahuvvojedje 1838:s, ja dien bargoáiggis leigga arkiteavttaguovttos Heinrich Ernst Schirmer ja Johan Henrik Nebelong Linstows veahkkin. Siskkobeale dávvirat čájehit stiilaovdáneami girjáivuođa gaskkamuddui 1800-logu rádjái. Okta dan áiggi njunuš dekorašuvdnamáláriin, Peter Fredrik Wergmann, lei Beaivválaš boradansála ja Stuora boradansála Pompeianska dekorašuvnnaid ovddasvástideaddji, ja lei málejeaddji Johannes Flintoe gii ráhkadii Fugleværelset dekorašuvnnaid.

Jagiid mielde lea Gonagaslaš šloahtta máŋgga geardde ođasmahttojuvvon ja divoduvvon. Eanas divodeamit leat dahkkon truvdnomolsašumiid oktavuođas.

Arkiteavttat ja giehtaduojárat

Ollu arkiteavttat ja giehtaduodjemeastirat ledje mielde huksenbargguin:

Šloahttaarkiteakta : Hans Ditlev Franciscus Linstow (1787-1851)

  • Christian H. Grosch (Linstow veahkki 1827 rádjái)
  • Ole Peder Riis Høegh (Linstow veahkki 1827 rádjái)
  • Heinrich Ernst Schirmer (Linstow sin assistent 1838-1841)
  • Johan H. Nebelong (Linstow veahkki 1838-1841)
  • Carl Abrahamsen, snihkkármeasttir
  • Andreas Benthien, dimbbarmeastti
  • Hans Johansen Borge, snihkkármeasttir
  • Johan Henrik Bøhm, snihkkármeasttir
  • Pietro Natale Guidotti d.e., gipsa- ja stuhkkadahkki
  • Daniel Koch, snihkkármeasttir
  • Chr. H. Malling, dimbbarmeastti
  • Georg Marcus Nordraach, málármeasttir
  • Sebastian Pfützenreuter, muvrameasttir
  • Jens Conrad Seidelin, muvrameasttir
  • Peter Christian Frederik Wergmann, málármeasttir
  • Jacob Emilius Wunderlich, málármeasttir
  • August Carl Wilhelm Thomsen, studeanta Københámman akademias
29.04.2013

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas