Lihkku beivviin!
Gonagasbearaš ávvudii Vuođđoláhkabeaivvi árbevirolaš vuogi mielde odne, Šloahttabalkoŋŋas ja Skaugumis. Muhto vuosttaš gii beasai ávvudišgoahtit beaivvi, lei Prinseassa Ingrid Alexandra, gii ávvudii Sydneys, Austrálias.
Miessemánu 17. beaivi 2026
Lihkku beivviin!
Gonagaslaš Allavuohta Ruvdnaprinsa Haakon oassálasttii odne Sámi álbmotbeaivvi ávvudeamis sámi mánáidgárddis Oslos. Sámi álbmotbeaivvi ávvudeami lassin, de čalmmustahtte mánáidgárddi 40-jagi beaivvi.
Guovvamánu 6. beaivi 2026
Nuorttas Girkonjárgii
Gonagaslaš Allavuohta Prinseassa Ingrid Alexandra jotkkii mánnodat maŋŋelgaskabeaivvi mátkki Girkonjárgii Mátta-Várjjaga suohkanis, mas lea rádji sihke Supmii ja Ruššii.
Ođđajagimánu 27. beaivi 2026
Čeavlái sámi kultuvrrain
– Mii sáhttit buohkat čevllohallat dainna go nanu sámi kultuvra lea oassin min riikkas, min oktasaš historjjás ja min dálááiggis. Eallit ovttas bures ja gudnejahttimiin vaikko leat erohusat, lea okta deháleamos olahusain maid sáhttit geahččalit čađahit – sihke smávit searvevuođain Norggas ja máilmmis muđui, dajai Prinseassa Ingrid Alexandra sártnistis Kárášjogas su vuosttaš almmolaš galledeami oktavuođas Finnmárkkus.
Ođđajagimánu 26. beaivi 2026
Logát Sámedikki rahpan
-Mun cealkkán Sámediggái buresboahtima ovddasvástideaddji doibmii. Ja mun sávan ahte dat boahtá ávkin sámi álbmogii ja min šaddaneatnamii, celkkii Majestehta Gonagas rahpansártnistis gaskavahku.
Golggotmánu 16. beaivi 2025
- Stuora illun beassat leat dáppe davvin
Návvuotna lei maŋemus bisánanbáiki Romssas dán jagáš fylkkamátkkis, man oktavuođas maiddái čađahuvvo guossástallan Svalbárddas. Dat lea Gonagasbára vuosttaš virggálaš galledeapmi suohkanis gos kveana, sámi ja norgga kultuvrrat ellet bálddalga.
Geassemánu 12. beaivi 2025
Gonagaslaš hoavva ovdanbuktá 2024 jahkeraportta
2024:s gallededje Gonagasviesu áirasat oktiibuot 42 suohkana ja fylkkamátkkit Agderii, Rogalándii ja Trøndelágii ledje stuorámus mátkkit. Gonagasviessu čađahii maiddái máŋgga olgoriikkamátkki Eurohpas, Amerihkás ja Gaska-Nuorttas. Oktiibuot ledje 743 virggálaš doaimma. Gonagasbárra lágidii maiddái njeallje stáhtaguossástallama ovtta jagis – juoga mii lea historjjálaš.
Cuoŋománu 24. beaivi 2025
Gonagaslaš hoavva ovdanbuktá 2023 jahkeraportta
Gonagasviesu doaimmat diibmá speadjalastet otná Norgga. Gonagasbearraša mátkkit 47 suohkanii, almmolaš galledeamit viđa eurohpalaš riikkain, iešguđetlágan lágideamit ovttas riikka suodjalusain ja riikka gearggusvuođa guovdilastin, čájeha mii lea dehálaš Norgii ja masa gonagasbearaš lea bidjan návccaid.
Cuoŋománu 18. beaivi 2024
Prinssa válddálašvuođabeaivvi čalmmustahttin
Odne bovdiiga Majestehtaguovttos Gonagas ja Dronnet beaivemállásiidda Gonagaslaš šloahtas čalmmustahttindihte Prinsa Sverre Magnusa 18-jagi beaivvi. Prinsa deavdá 18 jagi sotnabeaivve juovlamánu 3. beaivve.
Juovlamánu 1. beaivi 2023
Deaivvadii Fovse-akšuvnna ovddasteddjiiguin
Odne válddii Majestehta Gonagas Harald vuostá Fovse-akšuvnna ovddasteddjiid audiensii Gonagaslaš Šloahtas. Gonagaslaš Allavuohta Ruvdnaprinsa maiddái searvvai.
Golggotmánu 16. beaivi 2023
Gaskal davvi – ja lulliguovlluid
Majestehtat Gonagas Harald ja Dronnet Sonja loahpaheigga dán jagi fylkkamátkki Nordlándda lulimus suohkanis, Bindal. – Munnos leat leamaš erenoamáš beaivvit čáppa Helgelánddarittus, dajai Gonagas.
Geassemánu 8. beaivi 2023
– Eaktodáhtolašvuohta lea dego čáppa gođus olu láiggiiguin
Jáhkebeal áigi vuittii Sømna gudnebálkkašumi “Jagi eaktodáhtolašvuođasuohkan”. Majestehtat Gonagas ja Dronnet leaba dál čađahan sudno vuosttaš álmmolaš galledeami dán helgelánddasuohkanis gos leat sullii 2000 ássi ja measta 50 doaimmalaš searvvi ja joavkku.
Geassemánu 7. beaivi 2023
Mátki joatká Helgálánddarittus
Gonagasbárra gulaiga sihke dološmuittuid- ja boahtteáiggeplánaid birra go fylkkamátki jotkii galledemiin Leirfjord ja Vevelstad suohkaniin. -Lea measta jáhkkemeahttun man olu nu moadde olbmo sáhttet olahit, dajai Majestehta Donnet ja rámidii hutikáivuođa davvin.
Geassemánu 6. beaivi 2023
Sámi árbi
Árbordes, lullisámegillii Aarbortes, sávve mánát ja nuorat buresboahtima Majestehta Gongagassii ja Majestehta Dronnegii. Sii sihke lávlo ja ságastalle lullisámegillii ja dárogillii. Dán suohkanis Helgelánddas lea sámi ja dáčča kultuvra eallán bálddalaga máŋggaid buolvvaid.
Geassemánu 5. beaivi 2023
– Buorre leat davvi-Norggas fas
Majestehtaguovttos Gonagas ja Dronnet leaba odne álggahan fylkkamátkki Nordlánddas. – Dáppe davvin lea vuoiŋŋahat nu friddja – dáppe gos lea nu olu mearra, várri ja albmi. Ja erenoamáš olu smáđáhkis olbmot, dajai Gonagas Harald mátkki vuosttaš sártnis.
Geassemánu 5. beaivi 2023
Sámi kulturárbi
Odne lea Ruvdnaprinsa Haakon Guovdageainnus oahppandihte eanet sámi kultuvrra, giela ja historjjá birra. Galledeapmi lea oassin Ruvdnaprinsabára 50-jagi beivviid ávvudeamis.
Cuoŋománu 18. beaivi 2023
Gonagaslaš hoava jahkeraporta 2022
Gonagaslaš Allavuođa Prinseassa Ingrid Alexandra válddálašvuođabeaivvi ávvudeapmi lea Gonagasbearrašii ja Gonagaslaš hovvii, leamaš deháleamos dáhpáhus jagis 2022.
Cuoŋománu 13. beaivi 2023
Máilmmiárbi Bykles
Ruvndaprinsabárra beasai gaskavateahkeda vásihit Setesdala musihkkaárbbi magihkkalaš konsearttas Bykle boares girkus. Erenoamáš luonddučábbodat lei maiddái Ruvdnaprinsa prográmmas.
Njukčamánu 29. beaivi 2023
Kultuvra ja árbevierru Telemarkkus
Dán geasi deavdiba sihke Ruvdnaprinsa ja Ruvdnaprinseassa 50 jagi. Dán čalmmustahttiba viđa mátkki bokte iešguđet osiide riikkas ja juohke mátkkis lea iežas fáddá. Dáinna lágiin háliida Ruvdnaprinsabárra loktet ovdan osiid maid atniba eanemusat árvvus Norggas.
Njukčamánu 28. beaivi 2023
Ávvudii Sámi álbmotbeaivvi
Ovdagaskabeaivve oasálastii Majestehta Gonagas Harald Sámi álbmotbeaivve stuora ávvudoaluin Oslo Ráđđeviesus.
Guovvamánu 6. beaivi 2023