Gonagas Harald – kavalerista váimmus
Gonagas Haraldis lei lagas oktavuohta Suodjalusain. Majestehta Gonagas Harald V lei generála Eanansuodjalusas ja Áibmosuodjalusa, admirála Mearrasuodjalusas ja lei riikka bajimus befálaalmmái.
Čakčamánu 3. beaivi 2026
– Lean goalmmát gonagas Norggas gii lean váldán válgasániid Buot Norgga ovddas. Dát mearkkaša oaffaruššat buot – maiddái heakka – Norgga friddjavuođa ja iešheanalašvuođa nammii.
Dán celkkii Gonagas Harald sártnistis Trandumvuovddis miessemánu 8. beaivve 2025, nuppi máilmmisoađi friddjavuođa 80-jagi ávvudeami oktavuođas.
Dát muitala olu das man duođalaš oktavuohta lea gaskal Gonagasa ja Suodjalusa. Lea čiekŋalis geatnegasvuohta mii čuovui Gonagas Haralda olles eallima.
Oahppu ja gieddevásáhusat
Gonagas Harald álggahii militearabálvalusa kavaleriija befálaskuvllas Trandumis jagis 1956 ja loahpahii Soahteskuvlla jagis 1959. Son anii hui árvvus dan searvevuođa maid doppe vásihii ja deaivvadii jeavddalaččat iežas skuvlavieljaiguin gitta loahpa rádjái. Gonagas lei váimmus kavaleriijaolmmoš.
Son searvvai jeavddálaččat militearahárjehallamiidda ja lovttii bures go lei olgun gieddedoaimmain ovttas befálaiguin ja soalddáhiiguin. Su lagas oktavuohta Majestehta Gonagas Gardenii deattuhuvvui su olu galledemiid ja bearráigeahččamiid bokte.
Lagas oktavuođat
Norggas lea árbevierrun ahte stáhtaoaivámučča ja soahteveaga gaskkas leat lagas oktavuođat. Monárkka mielde čuovvu álo adjutánta ovtta militearasuorggis ja sus leat jeavddálaččat audiensadeaivvadeamit Suodjalushoavddain ja Suodjalusa iešguđet suorggi jođiheddjiiguin. Dát lei maiddái Gonagas Haralda dilli.
Lassin fásta deaivvademiide, searvvai Gonagas Harald dehálaš seremoniijaide ja muitodoaluide maid Suodjalus lágidii. Máŋgga háve geigii son Soahteruossa- Krigskorset, mii lea Norgga čalmmustahttinbálkkašupmi. Daid háviid go friddjavuođa- ja veteránabeaivi lágiduvvui Akershus ladnis miessemánu 8. beaivve, de lei Gonagas Harald álo doppe oassálastime seremoniijas ja čađaheame lieđđebidjama Nationálabácci bokte. Olu jagiid čađaheigga áhčešguovttos bártniin dán fárrolaga.
Gonagas Harald galledii maiddái Cold Response - militearahárjehallama máŋgga geardde. Dát dehálaš hárjehallan lágiduvvo Norggas ja dás leat ossodagat iešguđetge lihtolaččain mielde lassin ovttasbargoguimmiide. Sii hárjehallat oktasaš soahtedoaimmaid čađahit gáibideaddji dálvedilis.
Majestehta Gonagas Gardenis lea ovddasvástádus fáktet Šloahta, Bygdø gonagasgárddi ja Skauguma. Go Gonagasbearaš galleda Stiftagárdima Troanddimis, de lea Gardenmii čađaha fáktema doppe maiddái.
Gonagas Harald geavahii Gonagasskiipa Norge máŋgga oktavuođas juohke jagi, earret eará dego orrunbáikin máŋga árbevirolaš fylkkamátkkiin. Mearrasoahteveagas lea ovddasvástádus veagaiduhttit ja muđui doaimmahit Gonagasskiippa Norge.
Guhkilmas linnját
Gonagas Harald čuovui árbevieru gitta Gonagas Haakon VII rájes- ja dasto boahtteáigái Gonagas Haakon VII ja Ruvdnaprinseassa Ingrid Alexandra radjái.
Gonagas Haakon lea mearraoffiseara Mearrasoahteskuvllas Haakonsvernas Bergenis. Ruvdnaprinseassa čađahii vuosttasgearddebálvalusa Inšenevrabataljovnnas Brigáda Nordas, Skjold leairras Siskit-Tromssas jagis 2024.
Gonagas Haakon VII lei oahppan mearraoffiseara ja doaimmai danin ovdal go válljejuvvui Norgga ođđa gonagassan 1905:s. Go lei eksilas Londonis nuppi máilmmisoađi áigge, de son hárve oidnui uniforpma haga, ja olles soađi son guttii Norgga vuođđolága siskkáldas lummas. Gonagas Olav V lei gazzan oahpu Soahteskuvllas ja doaimmai earret eará suodjalushoavdan muhtun osiid nuppi máilmmisoađis.
Ovddasmoraš veteránaide ja áigevihtaniidda
Máŋga oktavuođas deaivvadii Gonagas Harald soahteveteránaiguin, soahteborjjasteddjiiguin ja vuostálastiiguin.
Nuppi máilmmisoađi friddjavuođa 75-jagi ávvudeami oktavuođas almmuhii Gonagas Harald Nationála veteránabácci Akershusa ladnis. Dát bázzi gudnejahttá buohkaid geat leat bálvalan riikkaidgaskasaš operašuvnnain maŋŋel 1945.
Jagis 2025, soađi loahpaheami 80-jagi ávvudeami oktavuođas, oassálasttiiga Gonagas Harald ja dalá Ruvdnaprinsa Haakon stuora doaluin Trandumvuovddis mii lei steavlidanbáiki vuostálastiide nuppi máilmmisoađis. Gonagas Harald gudnejahtii daid olu nuoraid geat oaffarušše heakka dalle:
– Ragnar Fredriksen ja Erling Karlsen leigga guovttis daid oallugiid searvvis geat adde iežaset heakka vai mii odne sáhttit eallit friddja, iešheanalaš Norggas. Mii leat sidjiide velggolaččat stuorra giitevašvuođa. Sii adde buot – Buot Norgga ovddas.
