Lihkku beivviin!
Gonagaslaš Allavuohta Ruvdnaprinsa Haakon oassálasttii odne Sámi álbmotbeaivvi ávvudeamis sámi mánáidgárddis Oslos. Sámi álbmotbeaivvi ávvudeami lassin, de čalmmustahtte mánáidgárddi 40-jagi beaivvi.
2026 guovvamánnu 6
Sámi álbmotbeaivi ávvuduvvo guovvamánu 6.beaivvi ja lea sámi kultuvrra, giela, historjjá ja searvevuođa ávvudeapmi.
Beaivi muittuha sápmelaččaid guhkilmas čanastumi guovlluide Norggas, Ruoŧas, Suomas ja Ruoššas, ja man dehálaš lea seailluhit ja fievrridit sámi árbevieruid ja vuoigatvuođaid viidáseappot. Álbmotbeaivi lea dehálaš vejolašvuohta čalmmustahttit sámi identitehta ja máŋggabealatvuođa – sihke Sámis ja muđui servodagas.
Sámi mánáidgárdefálaldat Oslos
Sámi mánáidgárdi Oslos addá sámi mánáide vejolašvuođa ovdánahttit sin giela, kultuvrra ja gullevašvuođa árgabeaivvis.
Mánáidgárdefálaldat láhčá dili geavahit sihke sámegiela, sámi muitalusaid, musihka ja árbevieruid, ja lea dainna lágiin deaŧalaš arena sámi identitehta nannemii maiddái olggobealde árbevirolaš sámi guovlluid.
Ruvdnaprinsii guossohedje biđđosa, mii lea sámi árbevirolaš málli ráhkaduvvon bohccobiergguin, buđehiiguin ja ruotnasiiguin, ja biđus gohčoduvvo sámi feastamálisin ja maiddái sámi nationálaborramuššan. Mánáidgárdemánát juige gussiide geat ledje boahtán ávvudeapmái.