Nuorttas Girkonjárgii

Gonagaslaš Allavuohta Prinseassa Ingrid Alexandra jotkkii mánnodat maŋŋelgaskabeaivvi mátkki Girkonjárgii Mátta-Várjjaga suohkanis, mas lea rádji sihke Supmii ja Ruššii.

2026 ođđajagemánnu 27

Prinseassa Ingrid Alexandra deaivvada Jegerbataljovnnain GSV maŋŋel go beanaráidduin jođii Grensefjellet guvlui mii lea Ruoššaráji buohta. Govven: Fredrik Varfjell / NTB

Galledeapmi álggahuvvui disdat ovdalgaskabeaivvi Girkonjárgga skuvllas, gos mánáid- ja nuoraidskuvlladási ohppiidráđi ovddasteaddjit ofelastePrinseassa. Skuvlla vuosttašluohkáhasain lei dán beaivve 100-beaivve feasta čalmmustahttindihte ahte ledje čađahan vuosttaš 100 beaivvi oahppin. Ja Prinseassa beasai čuovvut osiid dán ávvudeamis.

Go vuosttaš luohká oahppit leat vázzán skuvlla 100 beaivvi, de gal lea áigi ávvudit! Prinseassa Ingrid Alexandra oassálastá Girkonjárgga skuvlla vuosttaš luohká ávvudeamis. Govven: Fredrik Varfjell / NTB

Prinseassa Ingrid Alexandra searvvai čoahkkaneapmái ovttas buot ohppiiguin skuvllas. Govven: Fredrik Varfjell / NTB

Prinseassa Ingrid Alexandra galleda Girkonjárgga skuvlla. Govven: Fredrik Varfjell / NTB

Stuora čoahkkaneapmi buot skuvlla ohppiide. Govven: Fredrik Varfjell / NTB

Beanaráidduin rádjeguovlluide

Deanu joatkkaskuvllas lea sierra beanavuodjinsuorgi, ja Prinseassa searvvai mátkái Grensefjellet-guvlui ovttas oahpaheddjiin, ohppiiguin ja beatnagiiguin. Vuolggalei Førstevatn:s, lahka Várjjatmusea, ja sii čuvvo osiid Finnmárkkusløpet máđijain.

Prinseassa Ingrid Alexandra stivre beanaráiddu Grensefjellet-guvlui ovttas Deanu joatkkaskuvlla ohppiiguin ja oahpaheddjiiguin. Govven: Fredrik Varfjell / NTB

Grensefjellet-guovllus oaidná ráji gaskal Norgga ja Ruošša ja doppe deaivvadii Prinseassa politiijaiguin ja Suodjalusa rádjejoavkkuingeat muitaledje makkár doaimmat sis leat Norgga ja Ruošša rádjeguovlluin.

Girkonjárgga galledeapmi loahpahuvvui Barentsčállingottis, gos sátnejođiheaddji ja Barentsčállingotti beales muitaledje Prinseassai makkár dilli lea davvin, ja son deaivvadii sihke ealáhusaid, kultureallima ja Girkonjárgga eaktodáhtolašvuođa ovddasteddjiiguin.

Politiijat ja Suodjalusa rádjejoavku váldet vuostá Prinseassa Grensefjellet-guovllus. Govven: Fredrik Varfjell / POOL / NTB

Prinseassa Ingrid Alexandra galleda Barentsčállingotti ovttas Mátta-Várjjaga suohkana sátnejođiheddjiin, Magnus Mæland. Govven: Fredrik Varfjell / NTB

Čeavlái sámi kultuvrrain