Sami
Stáhtaguossá- stallan Islánddas
Islándda presideanta Halla Tómasdóttir ja su guoibmi Björn Skúlason leaba stáhtaguossástallamis Norggas cuoŋománu 8. beaivvis gitta 10. beaivái.
Majestehtaguovttos Gonagas ja Dronnet lágideaba guossástallama, ja sávaiga Presideantabárrii bures boahtima Norgii virggálaš buresboahtinmeanuid bokte.
Min oktasaš kulturárbi ja lagas ovttasbargu kultuvrras, ealáhusas, dutkamis ja suodjalusas leat guovddážis galledeamis. Galledeapmi deattuha davviriikkalaš ovttasbarggu mávssolašvuođa váttis áiggis.
Govven: Ola Vatn, Gonagaslaš hoavva
Áigeguovdil
Gonagaslaš hoavva ovdanbuktá 2024 jahkeraportta
2024:s gallededje Gonagasviesu áirasat oktiibuot 42 suohkana ja fylkkamátkkit Agderii, Rogalándii ja Trøndelágii ledje stuorámus mátkkit. Gonagasviessu čađahii maiddái máŋgga olgoriikkamátkki Eurohpas, Amerihkás ja Gaska-Nuorttas. Oktiibuot ledje 743 virggálaš doaimma. Gonagasbárra lágidii maiddái njeallje stáhtaguossástallama ovtta jagis – juoga mii lea historjjálaš.
Gonagaslaš hoavva ovdanbuktá 2023 jahkeraportta
Gonagasviesu doaimmat diibmá speadjalastet otná Norgga. Gonagasbearraša mátkkit 47 suohkanii, almmolaš galledeamit viđa eurohpalaš riikkain, iešguđetlágan lágideamit ovttas riikka suodjalusain ja riikka gearggusvuođa guovdilastin, čájeha mii lea dehálaš Norgii ja masa gonagasbearaš lea bidjan návccaid.
Lihkusávaldagat Dánmárkku ođđa gonagasbárrii
Majestehta Gonagas Harald cealká liekkus lihkusávaldagaid Majestehta Gonagas Frederik X ja Majestehta Dronnet Mary guoktái truvdnolotnahuvvama oktavuođas Dánmárkkus.