Vákta- ja resepšuvdnasekšuvdna

Dološ áiggi rájes lei vissis nammaduvvon vákta guhte fáktii alladási olbmuid. Dál ollugat geat barget Gonagaslaš šloahta resepšuvdnaváktan. Šloahttavávttat leat sii geat álo vuostáiváldet ja veahkehit Gonagasbearraša olbmuid go sii bohtet Šloahta váldopoarttas. Dasa lassin sii vuostáiváldet buot gussiid geat bohtet Šlohttii, sihke váldopoarttas ja resepšuvnnas.

Sekšuvnna ovddasvástádus lea beaivválaččat bearráigeahččat, hálddašit ja gozihit iešguđetlágan alárbmasystemaid, ja bearráigeahččat ahte lea álo rievttes leavga mii libarda Šloahta dáhki alde.

Gonagaslaš šloahta resepšuvnnas leat bargit birra jándora, buot beivviid jagis, ja dat hálddaša maid Šloahta telefunguovddáža. Dasa lassin lea sekšuvnnas ovddasvástádus doaimmahit poasta-ja dieđuiddoalvunbálvalusa, ja leat eanas ordonnánssat geat dan barget. ”Ordonnans” lea dološ militeara olbmo virgenamahus, gean bargun lei earet eará doalvut dieđuid dahje gohččumiid. Leat Majestehta Gonagasa Garde soalddáhat geat doaimmahit dien bálvalusa ja álo leat ollu ordonnánssat barggus dien sekšuvnnas. 

Gonagaslaš hoavas lea jávohisvuođageatnegasvuohta, maid juohkehaš vuolláičállá gii galgá Hoavas bargat. Dan barggu hoide sihkarvuođaossodat. Leat ráhkaduvvon sierra julggaštusat  jávohisvuođageatnegasvuhtii mielbargiide ja eará bálkáhuvvon bargiide.

Politieskorte ovddasvástádus lea gozihit Majestehta Gonagasa ja muđui Gonagasbearraša lahtuid sihkarvuođan. Eskorte gullá Oslo politiguovllu ja Oslo politimeastira vuollái, geat leat bajemusdási sihkarvuođa ovddasvástideaddjit.

Bálvalus doaimmahuvvo dan várálašvuođaárvvoštallama vuođul mii áiggis áigái dahkko, lagas ovttasbargguin Politiets Sikkerhetstjenestiin (PST) ja Oslo Politimeastiriin, ja lea čadnon Politidirektoráhttii.

Váldobargun lea heaggafáktenbálvalus. Ossodagas barget earenoamážit válljejuvvon ja vásetin oahpahuvvon politibálvvát – sihke dievddut ja nissonolbmot, geain lea hui alla dássi internašunála oktavuođas.

Organiseren

Vákta-ja resepšuvdnasekšuvnna jođiha Anne Nouri, ja dat gullá Sihkarvuođaossodahkii.