Njuike váldosisdollui

Majestehta Gonagasa Garde

Majestehta Gonagasa Garde leat gonagasviesu militeara heaggavávttat. Garde galgá gozihit Gonagasbearraša sihkarvuođa ráfiáiggis, heahtedilis ja soahtedilis.

"Det kongelige norske Gardeskarpskytterkompagni" ásahuvvui skábmamánu 1. beaivvi 1856, dan váste ahte doaibmat Gonagas Oscar I váktan Stockholmas. Loahpageahčen uniuvdnaiggi sirdojuvvui Garde Kristianiai, Ja Majestehta Gonagas Garde lea čužžon váktan Gonagaslaš Šloahta ja eará gongaslaš resideanssaid olggobealde 1888 rájes. Garde čuožžu váktan 24 diimmu jándoris, 365 beaivvi jagis.

Majestehta Gonagas Gardes lea dál fásta váktabálvalus Gonagaslaš šloahtas, Skaugumis Hovedgårdenis, Bygdø Gonagasgárdimis go doppe leat olbmot, Akershus festningas ja Huseby leiras.

Gonagaslaš šloahta ja Akershus festning váktabálvalusa bargiin leat sin mihtilmas parádeuniforpmat badjelis go leat váktabarggus, main seremoniála bealli deattuhuvvo garrasit.

Váktabargu doaimmahuvvo lagas ovttasbargguin politiijain.

Váktamolsun

Juohke beaivvi diibmu 13:30 lea váldováktamolsun, de mannet sii geat barggus gerget ja ođđa bargit álget bargui. Geasset lágidit váldováktamolsuma oktavuođas dávjá maid konseartta dahje drillčájáhusa dilálašvuhtii joatkkan.

Daid háviid go dat dáhpáhuvvá, de dat almmuhuvvo terminlisttus (geahča Gardena iežas neahttabáikkis).

Váktaparádat

Geasset čađahuvvojit sierra váktaparádat. Váktaparádas leat mielde dat Gonagaslaš šloahta vávttat geat leat geargan barggus ja geat bohtet bargui, ja paráda jođiha Suodjalusa musihkka. Paráda vuolgá Akershus festningas diibmu 13:10 ja riidejeaddji politiiját láidestit dan. Sii čuovvut dán ruvttu: festningsplassen, Kirkegaten mielde Karl Johan gáhttii ja das bajás Gonagaslaš šlohttii. Paráda joavdá Šloahta ovdašilljui sullii diibmu 13:30 ja de čađahuvvo váldováktamolsun.

Goas diet dáhpáhuvvá, dat almmuhuvvo Gardena iežas neahttabáikkis.

18.09.2018

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas