Opmodatsekšuvdna

Sekšuvdna doaimmaha smávit ja stuorát bargguid mat gusket Gonagaslaš šloahta, Bygdø Kongsgard (váldogárdima) ja Oscarhálla jođiheapmái, ja dasa lassin vel priváhta opmodagaide. Bargui gullá visttiid ja vistedávviriid jođihit ja ortnegisdoallat.

Giehtaduodjeárbevierut

Opmodagaid earenoamáš kulturárbi mearkkaša ahte leat árbevirolaš duodjeteknihkat ja ávdnasat mat galget geavahuvvot, ja dávviriid ferte hui várrogas vugiin ortnegisdoallat. Sii ohcet historjjálaš gálduin tennjegiid ja govaid go ođđa árkiteknologalaš čovdosat galget čađahuvvot, álo lagas ovttasbargguin Riikkaarkivárain.

Sekšuvnnas leat su iežas giehtaduojárat, stohpogálvosnihkkárat ja stohpodávviriid skoađasteaddjit, geat ordnejit ja áimmahuššet antikváralaš stohpogálvvuid ja stohpodávviriid ráđđálaga Gonagaslaš vuorkkáin. Giehtaduodjeárbevierru ja originálaš ávnnasgeavaheapmi doalahuvvo.

Opmodatsekšuvnna stohpodávvirsnihkkárat doalahit ortnegis čáppa stohpogálvvuid. Govva: Nina Ilefeldt, Gonagaslaš hoavva Sekšuvdna stivre maid stuorát huksen-ja divodanbargguid. Šloahta boares stáljaid rievdadeapmi Dronnet Sonja DáiddaStálljan lea okta ovdamearka dasa makkár stuora prošeavttat leat maŋemus áiggi čađahuvvon. Dan barggus leat  ovddeš detáljaid biddjon harmonalaččat ja čábbát oktii ođđaáigásaš doaibmi čájáhusbáikin.

Beaivválaš jođiheapmi ja ortnegisdoallan

Sekšuvdna hálddaša maid kánturbiergasiid, čuovggaid, teknihkalaš geavahanrusttegiid, stohpogálvvuid ja tekstiillaid mat gullet doibmii. Lea dát sekšuvdna mii stivre ja čađaha ođasmahttin-ja divodanbargguid. Gonagaslaš hoavas leat máŋga olggobealde vuorkká gos vurkkodit dávviriid, arkiivvaid ja girjjiid. Lea sekšuvnna ovddasvástádus maiddái dieid vuorkkáid hoidet. Sekšuvnna dehálaš bargguide gullá maid dat ahte bálvalit visttiid geavaheddjiid ja ráhkkanahttit ja čađahit iešguđetlágan lágidemiid.

Oassi Opmodatsekšuvnnas – veahkkálaga Statsbygga bargiiguin leat gergosat ođđa bargguide Šloahttapárkka 2016 gieddefeasttas. Govva: Jan Haug, Gonagaslaš hoavva

Ovttasbargu Statsbyggain

Sekšuvnnas lea lagas ovttasbargu Statsbyggain, mii jođiha dakkár teknihkalaš doaimmaid go elektro, čázi, ventilašuvnna etc. stáhtii gullevaš opmodagain. Statsbyggas leat bargit geat barget Šloahtas, geaid ovddasvástádus leat olggobeale  divodan huksenbarggut ja maiddái stáhtalaš ja gonagaslaš opmodagaid visttiid ortnegisdoallan, maidda guoská huksemiid dieđihangeatnegasvuohta.

Organiseren

Opmodatsekšuvdna lea Gonagaslaš opmodagaid ja párkkaid oassi, ja jođiheaddji lea  opmodathoavda Heide Tjøm. Sekšuvdna oažžu jođihandoarjaga priváhta opmodagaid dárbbašlaš hálddašeami apanáša juolludemiin.