Hopp til hovedinnhold

Jahkedieđáhusat

Gonagaslaš hoava jahkedieđáhus sisttisdoallá Gonagasbearraša almmolaš doaimmaid, ja hoava doaimmaid vássán jagis. 2018 jahkedieđáhus ovdanbuktojuvvo dás vuolábealde. 

Olles jahkedieđáhusa – ja dieđáhusaid gitta 2005 rádjái – sáhttá viežžat go čuovvu njuola dás olgešbealde (PDF).

Gonagaslaš hoava jahkeraporta 2018

Gonagasbearaš finai 2018:s buot fylkkain ja 53 suohkaniin.
Okta Gonagasbearraša deháleamos doaimmain lea mátkkoštit Norggas. Vássán jagis lea Gonagasbearaš beassan deaivvadit olbmuiguin miehtá riikka, ja lea maid beassan oaidnit iešguđet guovlluid Norggas davvin gitta lulás. Sii leat guossástallan buot fylkkain dán riikkas, ja Gonagasbearraša lahtut leat fitnan 53 suohkaniin dán riikkas oktan Svalbardain.

2018:s fitne 68 000  olbmo Šloahtas, Oscarhállas ja Dronnet Sonja DáiddaStáljas Rabas Šloahtta lágidemiid oktavuođas. Gonagasbearaš lei diibmá mielde 695 almmolaš lágidemiin ja 2 566 olbmo leat leamaš Gonagasbearraša guossin gonagaslaš gárdimiin. Gonagasbearaš lea maid leamaš stáhtaguossástallamiin 14 riikkas. Dain mátkkiin lei ovcci beaivvi guhku stáhtaguossástallan Kinas golggotmánus buot viidáseamos. Eará dáhpáhusat vássán jagis mat leat báhcán muitui lea Cambridge Hertugabára guossástallan ja Gonagasbearraša golleheajaid ávvudeapmi.

Gonagaslaš hoava sihkarvuođaprošeakta, mii siskkilda Šloahta ja eará gonagaslaš opmodagaid  sihkarvuođadoaimmaid, lea jagi 2018 stuorámus eaŋkilprošeakta. Dat boahtá maid leat stuorámus bargun boahttevaš jagiid. Prošeavtta rámma lea 603 miljovnna ruvnno, ja prošeakta galgá gárvvistuvvot 2021:s.

Jahkerehketdoallu

2018 jahkerehketdoallu čájeha 98,5 miljovnna ruvnno buorrin. Das lea 82,8 miljovnna čadnon sihkarvuođaprošektii. Submi mii lea báhcán buorrin, ja ovdalaš várrejumiid prošektii, leat ollislaččat čadnojuvvon 2019 leveránssaide.

Gonagaslaš hoava rehketdoallu čájeha 15,7 miljovnna badjebázan, mii eanas boahtá das go gaskaboddosaččat eai leat virgáibidjan bargiid ja go leat prošeavttaid maŋidan. Badjebáza lea ráddjejuvvon rehabiliterenprošeavtta čađaheapmái ja eará háhkamiidda, ja dan geažil plánejuvvojit eanet áimmahuššandoaimmat 2019:s.

Gonagaslaš hoava jahkeraporta oktan 2018 jahkedieđáhusain lea addojuvvon Stuoradikki Presideantagoddái, Gielda- ja ođasmahttindepartementii ja Riikarevišuvdnii.

 

 

 

04.04.2019

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas