Hopp til hovedinnhold

Hoavvahoavda

Hoavvahoavda, Gry Mølleskog, lea Gonagaslaš hoava bajimus jođiheaddji. Son lea doaimma ovddasvástideaddji Majestehta Gonagassii.

Hoavvahoavda lea Hoava jođihangoddi, ovttas ossodatjođiheddjiiguin guđet leat Gonagasviesu ráđđeaddi iešguhtege su fágasuorggis.

Hoavvahoavda rávve ja lea veahkkin Majestehta Gonagassii ja Gonagasbearrašii muđui. Sus lea bajimus ovddasvástádus sihkkarastit ahte Gonagaslaš hoavva hui njuovžilit doarju gonagasdoaimma. Vai dan lea vejolaš bargat, de lea hoavvahoavda geatnegas doalahit buori organiseren- ja bargiidovddideami ja buori bargobirrasa.

Seremoniijalaš doaimmat

Majestehta Gonagasa bealis leat hoavvahoavddas seremoniijalaš ja protokollaide gullevaš barggut allaáiggálaš dilálašvuođain. Hoavvahoavdda virgái gullá maid ahte son galgá leat ruhtafievrredeaddji dán ráđis: Rådet for Den Kongelege Norske St. Olavs Orden ja son lea Rådet for Den Kongelege Norske Fortenstorden jođiheaddji.

Hoava juridihkalaš ráđđeaddi addá raportta njuolga hoavvahovdii ja maiddái ossodatjođiheddjiide. Nu dahká maid ánsomearkkaid hálddašanorgána jođiheaddji.

Ánsomearkkaid ja foanddaid hálddahus

Ánsomearkkaid hálddahus ráhkkanahttá áššiid mat gusket ánsomearkkaid ja medáljjaid juohkimii, maid Ordensrådet galgá meannudit. Ruvdnaprinseassa Märtha Muitofoanda ja Prinseassa Märtha Louise foanda gullá maid dán hálddahussii.

 

19.02.2019

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas