Njuike váldosisdollui

Hoava bargoveahka

Hoava bargoveahka lea ekonomiija ja bargiidhálddašeami (HR) ovddasvástideaddji, ja maiddái IKT ja Gonagaslaš hoava arkiivva ovddasvástideaddji.

Hoava bargoveaga bajimus dási ovddasvástádus lea Hoava organisašuvdnabargu, bušeahtat, rehketdoallu ja ekonomalaš raporteren , ja dat doaibmá maid ráđđeaddin Gonagasbearrašii ja Gonagaslaš hovvii dain fágasurggiin mat gullet dan vuollái.

Dán ovttadaga ovddasvástádus lea maid bearráigeahččat ahte stivrenproseassat čađahuvvojit buresdoaibmi vuogi mielde. Bargoveahka veahkeha maid Gonagaslaš hoava stuorát oastimiid oktavuođas.

Bargoveaga ovddasvástádus lea maid Gonagaslaš hoava HR-bargu, virgáibidjamat, mielbargiid ja jođiheddjiid ovddideapmi, ja dearvvašvuođa-,birrasa ja sihkarvuođabargguid koordineren.

Maiddái diehtojuohkin teknologiija (IKT) ja arkiivadoaibma gullet hoava bargoveaga bargguide. IKT- ovttadat áimmahuššá organisašuvnna IKT-bálvalusdárbbuid, jođiheami, bearráigeahččama ja siskkáldas IKT- systemaid vuogádagaid support.

Gonagaslaš hoava arkiiva

Gonagaslaš hoava arkiiva lea organisašuvnna dokumentašuvdnaguovddáš. Dan doaibma lea registreret ja vurkkodit buot buot arkiverenárvosaš materiálaid. Sii ovttasbarget Riikaarkiivvain historjjálaš arkiivamateriálaid hálddašemiin.

Biddjo ollu bargu dasa ahte dokumenteret Gonagasviesu doaimmaid dán riikkas ja olgoriikkain, ja maiddái organisašuvnna jođiheapmái olles jagis.

Hoava bargoveaga jođiha Tone Rinden Rygh. Hoava bargoveahka doaibmá Gonagasbearraša ja Gonagaslaš hoava ráđđeaddin iešguhtege su fágasuorggis.

19.02.2019

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas