Hopp til hovedinnhold

Aktivitehtat Lom suohkanis

Lom suohkanis sávai sátnejođiheaddji Bjarne Eiolf Holø Ruvdnaprinsabárrii buresboahtima Loar skuvlii. Dáppe lea aktiivvalaš oahppan.

18.09.2019

Ja duođai ledje ollu doaimmat Loar skuvllas. Manát sihkkelaste, čikče spáppa ja spáppastalle. Muhtumat ledje snihkkemin ja dimbariiguin huksemin, earrásat spillejedje olgošáhka – dahje ledje bargamin prošeavttaiguin  skuvllas.

Ruvdnaprinsa Haakon searvvai spábbačiekčamii Loar skuvllas. Govva: Marius Gulliksrud, Stella Pictures

Ruvdnaprinsabárra beasai dearvvahit ollu skuvlamánáid – ja beasai searvat joavkobargui. Skuvlamánát čuvvo maid Brubakkenii, gos Ruvdnaprinsa Haakon galggai rahpat ođđa johtolatbirasdoaimma olggobealde mánáidgárddi verráha.

Brubakken johtolatbirasdoaibma

- Buorre skuvlageaidnu lea dehálaš, logai Ruvdnaprinsa, - dakkár geaidnu gos sihke váhnemat ja mánát besset oadjebasat vánddardit skuvlla ja mánáidgárddi ja ruovttu gaskka, hávskis birrasis. Dat váikkuha maid dasa ahte beassat eanet lihkadit, ja dat lea buorre sihke rupmašii, oaivái ja miellaláhkái.

Ruvdnaprinsa rahpá Brubakken johtolatbirasdoaimma ovttas Ruvdnaprinseassain Mette-Marit ja Lom sátnejođiheddjiin, Bjarne Eiolf Holø. Govva: Stian Lysberg Solum / NTB scanpix

- Danin heive ge dát birasdoaibma hui bures dasa maid gulaimet Loar skuvllas odne, aktiivvalaš oahppama birra. Dasgo mii eat oahpa dušše oivviin. Mii oahppat visot rupmašiin. Mii vuostáiváldit oahpu, vásáhusaid ja muosáhusaid sihke oivviin, rupmašiin, dovdduiguin ja buot min dovddaipmárdusaiguin.

Syhkkelastin Lom dearvvašvuođasiiddas

Lomas eai leat dušše nuoraide aktivitehtat. Maiddái dearvvašvuođaguovddážis leat lágidan dili boarrásiidda beassat lihkadit. Ruvdnaprinsa Haakon loahpahii guossástallanmátkki Lom suohkanis báikkálaš dearvvašvuođasiiddas, gos vuorasolbmot besset sihkkelastit.

Motiview- sihkkelat leat oassi Lom dearvvašvuođasiidda aktivitehtafálaldagain. Govva: Stian Lysberg Solum / NTB scanpix

Sihkkeliin leat šearpmat main oaidná “gosa" sihkkelastá. Nie sáhttet vuorasolbmot mahkáš sihkkelastit eksohtalaš báikkiide – dahje ruovttuguovlluid oahpes báikkiide.

Vuostáiváldin

Eahkes bovdeba Ruvdnaprinsa ja Ruvdnaprinseassa vuostáiváldimii Boares-Kleppes. Guosselisttus leat ollugat geaiguin Ruvdnaprinsabárra lea deaivvadan Oppland fylkkamátkkis ja ollu earát geat leat leamaš mielde láhčimin dili ollu fiinna vásáhusaide.

Ruvdnaprinsabárra gullamin Tone Jorunn Tveito čuorvumin festii muhtun Boares-Kleppe visti alde. Govva: Tom Hansen, Hansenfoto.no

Báikkálaš fidnofágasuorggi goahkkaoahppit leat fárus láhčimin doaluid. Šloahta gievkkanhoavda ja hoavvahoavda nevvot sin dárkilit.

Ođđa jurdagat ja árbevierut Vågås

 

Kronprins Haakon og Kronprinsesse Mette-Marit besøkte seks kommuner i Oppland i løpet av tre dager i september 2019. Reisen gikk til Dovre, Lesja, Skjåk, Lom, Vågå og Sel. Foto: Simen Løvberg Sund, Det kongelige hoff

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas