Hopp til hovedinnhold

Lesja máilmmimeaštárat

Norggas leat olbmot hui áŋgirat bargat eaktodáhtolaš bargguid. Muhto eai gostege leat nu áŋgirat go Lesja suohkanis, mii lea leamaš eaktodáhtolaš bargguid dáfus bajimusas olles riikkas ollu jagiid juo.

17.09.2019

Ja go Norga lea bajimusas olles máilmmis, deattuhii Ruvdnaprinsa, de dat ferte mearkkašit dan ahte Lesja olbmot lea máilmmimeaštárat eaktodáhtolaš bargguin.

Dasto lei lunddolaš coggalit bargobiktasiid ja searvat eaktodáhtolaš bargui. Ruvdnaprinsabárra ja eará guossit biddjojuvvo bargui; riiffuin ráhput, bordit muoraid ja bargat eará dárbbašlaš bargguid Lesja Gilimuseas. 

Ruvdnaprinsabárra veahkehii muoraid bordit eaktodáhtolaš bargun Lesja Gilimuseas. Govva: Stian Lysberg Solum / NTB scanpix

13 dimbbarviesu mat leat huksejuvvon gaskal 1700– ja 1800–logu, leat čohkkejuvvon olgomuseii. Viesuid leat viežžan Lesja dáluin. Dáppe leat maid čájáhusat, áinnas čájáhusat mat gusket báikkálaš árbevieruide ja duodjái. Juohke geasi barget máŋga čuođis eaktodáhtolaččat museas, sii barget bájis ja láibot dollaviesus. Doppe beasai Ruvdnaprinsabárra maid geahččalit láibut.  Marie Jøndal  ja Grethe Stavheim Mømb čájeheigga mot galgá leafssaid láibut.

Marie Jøndal oahpaha Ruvdnaprinssa láibut leafssaid. Govva: Guri Varpe, Gonagaslaš hoavva

Eaktodáhtolaš bargguin ja doaimmain leat ollu buorit bealit, deattuhii Ruvdnaprinsa sártnistis Lesjas:

- Dat ásahit oktavuođa, addet oaivila, dat váikkuhit ovttasdoibmii nu ahte beassat dovdat juogamasa gullevašvuođa. Dat váikkuhit juogaládje midjiide siskkáldasat. Mii álgit eambbo beroštit das ahte váldit vára das masa mii geavahit áiggi ja áŋgirvuođa. Go bargat juoidá ovttas, masa earáin maid lea beroštupmi, de dat váikkuha min miellaláhkái bures – mis šaddá miella bargat vel eanet, danin go dovdat ahte dat bargu lea dehálaš. Dat lea buorre spirála. Nie mii rievdadit ja nannet servodaga, veahážiid veahážiid mielde – dat álgá juohkehačča iežas siste, dakko bokte maid mii ovttas oažžut áigái.

Lesja girku

Lesja girku lea čáppa ruossagirku, huksejuvvon 1749:s. Ruvdnaprinsa Haakon beasai girku oaidnit dárkileappot, dan čáppa áltártávvala, mii rehkenasto leat meašttirduodjin norgga girku – ja muorračuohppan dáidagis. Lea muorradáiddár Jakob B. Klukstad guhte lea dien távvala duddjon. Dat lea restaurerejuvvon. 

Ruvdnaprinsa Haakon Lesja girkus, gos 50 máná lávlo sutnje. Govva: Stian Lysberg Solum / NTB scanpix

16 jahkásaš Frida Gangsås oahpistii Ruvdnaprinssa girkus, ovdal go mánát ja nuorat dievihedje girkui ja lávlo Lesjalávlaga.

Ruvdnaprinsa mánáiguin geat lávlo sutnje olggobealde Lesja girku. Govva: Stian Lysberg Solum / NTB scanpix

Joatkiba Skjåk báikái

Ihttin joatká Ruvdnaprinsabárra fylkkamátkki. De soai fitnaba Skjåk ja Lom suohkaniin.

Ruvdnaprinsabárra Skjåk suohkanis

 

Kronprins Haakon og Kronprinsesse Mette-Marit besøkte seks kommuner i Oppland i løpet av tre dager i september 2019. Reisen gikk til Dovre, Lesja, Skjåk, Lom, Vågå og Sel. Foto: Simen Løvberg Sund, Det kongelige hoff

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas