Gonagaslaš šloahtta
Stuora oassi Gonagasviesu virggálaš doaimmain dáhpáhuvvet Šloahtas. Beaivválaččat lágiduvvojit čoahkkimat ja audienssat, ja dasa lassin leat doppe olu virggálaš mállásat, vuostáiváldimat ja eará doalut.
Lea stáhta mii oamasta Gonagaslaš šloahta ja dat galgá leat Majestehta Gonagasa riikka stáhtaoaivámučča hálddus.
Gonagaslaš Šloahtta lea Gonagasbára orrunsadji ja bargobáiki Gonagasviesu láhtuide. Dat lea maiddái beaivválaš bargosadji eatnasiidda Gonagaslaš hoava bargoveagas. Geasset lea vejolaš galledit Šloahtta gos fállet oahpisteami gussiide.
Lanjain vuhtto váikkuheapmi iešguđetlágan málliin ja stiillain mat ledje áigeguovdilat daid 25 jagi go Šloahta huksejuvvui. Stuora- ja Beaivválaš boradansálas leat Pompeialaš seaidnegovat, Loddelanjas vuhtto nationálaromantihkka ja Vilges saloŋggas ges šaddi ođđarokokko.
