Beaivválaš boradansála
Beaivválaš boradansála geavahuvvo smávit lunššaide ja gaskabeivviide. Dáppe lágiduvvojit Alimusrievtti ja Norgga bismmaid jahkásaš mállásat, ráđđehusa juovlalunšša lassin. Ođđa olgoriikka ambassadevrrat bovdejuvvojit dávjá lunššii dán sálas.
Iešalddis addá namma Beaivválaš boradansála veahá vearu gova odne, muhto ovdalaš áigge lei dát latnja beaivválaš anus. Gonagas Olav lávii dáppe boradit lunšša ovttas iežas bargoveagain, ja dan ovdal lei latnja Gonagasbearraša beaivválaš boradanlatnja.
Odne lágiduvvojit dán lanjas lunššat dahje gaskabeaivvemállásat gitta 30 olbmo várás.
Čiŋaheapmi
Šloahttaarkiteakta Linstow háliidii ahte boradansálas galggai leat láivves, jaskadis vuoigŋa, muhto seammás hervvoštalli, ilolaš čiŋaheapmi ja bierggasteapmi. Son válljii málet seinniid pompeianalaš stiillas. Dat lei dan áigge hirbmat bivnnuhis málle seammás go lei oalle hálbi.
Eanet pompeianalaš stiilla birra
Pompeianalaš stiila
Dalle go Beaivválaš boradansála huksejuvvui, de ledje seaidnenjuohtamat Pompeiia roggamiid vuođul hirbmat bivnnuhat olles Eurohpás. Sihke dánskalaš gonagasa boradansála Christiansborg gárdimis ja tsarabearraša priváhta boradansála Dálvepalassas, lea hervejuvvon pompeianalaš stiillas.
Šloahttaarkiteakta Linstow čálii:
"Blant alle Arter av Decorationer frembringe de pompeianske, eller de, som ere efterlignende de Mønstre, som ere udgravede i Ruinerne af Pompeij, Herculanum og Stabiæ en Slags Pragt med mindst Anvendelse af Bekostning, da de kunde udføres blot i Limfarge paa en slet Væg.”
Peder Wergmanndat hervii Beaivválaš boradansála jagis 1841. Wergmannis lei váldoovddasvástádus ornamentihkkii, ja August Thomsen málii figuvrraid. Vaikko ledje sudnos veahkit, de ádjánii golbma mánu gárvvistit robevuoli ja čieža mánu hervet olles lanja.
Wergmann ja Thomsen herviiga maiddái Stuora boradansála seinniid pompeianalaš stiillas.
Viessogálvvut ja dávvirat
Beaivválaš boradansála lea buori muddui čiŋahuvvon viessogálvvuiguin ja čuovggaiguin maid Gonagas Olav V oaččui Norgga servviin ja ustibiin iežas 60-jagi ávvudeapmái 1963:s.
Čuovgakruvnnuid lea Jonas Hidle hábmen ja dat leat ráhkaduvvon Hadeland Glassverkas. Hidle deattuhii ahte čuovggat galge speadjalastit seinniid geahppa hervema. Čuovggaid goaikkanas-hápmásaš viđjjit geardduhit málejuvvon hearvvaid robis.
Utstilt i Daglige spisesal: Flora Danica
Flora Danica
Beaivválaš boradansálas leat muhtun oasit Šloahta Flora Danica porselenas. Servise namma ja hervemat leat vuolgán Flora Danica earenoamáš čábbát hervejuvvon botanihkalaš dáidagis. Dáiddabargu álggahuvvui 1761:s ja dasa gullet 3240 diŋgga main leat veaikkis hervejuvvon illustrašuvnnat ja gieđain málejuvvon buot dat sullii 1883 skandinavia ja nuorta-duiska eanemus dovddus lieđi ja šattu.
Vuosttaš oasit ráhkaduvvojedje loahpageahčen 1780-jagiid, ja olles service masa gullet 1802 oasi, gárvvistuvvui 1803:s. Beaivválaš boradansála vitrineskábes leat guokte dain vuosttaš service dállearkkain mat ráhkaduvvo. Šloahta service lea šaddan ollisin dađimielde go leat ožžon osiid skeaŋkan jagiid mielde.
