Hopp til hovedinnhold

Stáhtaráđđi

Bearjadaga diibmu 11:00 doallá Majestehta Gonagas Stáhtaráđi. Čoahkkin lea stáhtaráđđesálas Gonagaslaš šloahtas.

Go Ráđđehus lea čoahkis dahkamin mearrádusaid, de dat dáhpáhuvvá Stáhtaráđis. Stáhtaráđi jođiha Gonagas, ja mearrádusat čállojuvvojit nu ahte dain čuožžu ahte lea ”Gonagas Stáhtaráđis” mii lea mearrádusa dahkan. Gonagas galgá dohkkehit buot lágáid ja mearrádusaid mat dahkkojuvvojit Stáhtaráđis, ja daid galgá stáhtaministtar vel vuolláičállit ovdal dat leat fámus.

Muhtomin gohččojuvvo Stáhtaráđđi earenoamáš čoahkkimii. Dat dáhpáhuvvá go juoga earenoamážit lea dáhpáhuvvan, ovdamearkkadihte jus fáhkka šaddá molsut muhtun stáhtaráđi, jus Gonagasvissui lea ođđa olmmoš riegádan, dahje diekkár sullasaš diliin.

Vuođđolága § 35 mielde galgá Truvdnoárbbolaš maid čuovvut Stáhtaráđi: "Så snart tronarvingen har fylt 18 år, er han eller hun berettiget til å ta sete i statsrådet, dog uten stemme eller ansvar.

Danin čohkká Gonagaslaš Allavuohta Ruvdnaprinsa Haakon áhčis Gonagas Harald bálddas, ja jus Gonagas lea eret – buozanvođa geažil dahje jus lea olgoriikkain mátkkošteamen– de jođiha Ruvdnaprinsa Stáhtaráđi Ruvdnaprinsaregeantan.

Dat lea vuođđolága § 41mielde:

"Er kongen fraværende fra riket uten å være i felt, eller er han så syk at han ikke kan ivareta regjeringen, skal den som er nærmest arveberettiget til tronen, forestå regjeringen som kongemaktens midlertidige utøver, så fremt han eller hun har oppnådd den for kongen fastsatte myndighetsalder. I motsatt fall forestår statsrådet bestyrelsen av riket.”

Hui hárve oktavuođain, go sihke Gonagas ja Ruvdnaprinsa leaba eret, de lágiduvvo Stáhtaráđđi Stáhtaministara kántuvrras. Gonagas oažžu dasto dieđuid dan birra makkár mearrádusat dahkkojuvvojedje nuppes go Stáhtaráđđi čoahkkana Šlohttii.

Dat čuovvo Vuođđolága § 13 gos earet eará daddjojuvvo: ”Om de saker som statsrådet således avgjør, har det å gi innberetning til kongen.”

 

08.12.2015

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas