Hopp til hovedinnhold
Karl Johan gáhtta čiŋahuvvon ja Garde lea gearggus vuordimin stáhtagussiid Spanias giđđat 2006 (Govva: Sara Johannessen, Scanpix)
Karl Johan gáhtta čiŋahuvvon ja Garde lea gearggus vuordimin stáhtagussiid Spanias giđđat 2006 (Govva: Sara Johannessen, Scanpix)

Stáhtaguossástallan

Stáhtaguossástallan mearkkaša ahte muhtun stáhtaoaivámuš fitná eará stáhtaoaivámučča luhtte almmolaš guossástallamis. Stáhtaguossástallamis ja eará almmolaš guossástallamiin lea dat erohus ahte stáhtaguossástallamis leat fásta seremoniijat, nugo buresboahtinseremoniija, kránsabidjan, almmolaš mállásat ja stáhtaoaivámuččaid ja sin sáttagottiid oktasaš čoahkkimat.


Stáhtaguossástallama oktavuođas sáhttet maid leat politihkalaš čoahkkimat, konferánssat, kultuvrra ja ealáhusaid oainnusinlágideamit ja guossástallan sosiála dahje kultuvrralaš institušuvnnain. Stáhtaguossástallan nanne oktavuođa lagas riikkaiguin ja ásaha oktavuođaid riikkaiguin mat leat arvat guhkkeleappos. Ulbmil lea hukset oktavuođaid ja nannet Norgga beroštumiid olgoriikkain.


Go Gonagas ja Dronnet leaba stáhtaguossástallamis olgoriikkain, de sudno mieldemátkkošteaddjin leat olgoritministtar ja eará ráđđehusovddasteaddjit. Go eará riikkaid stáhtaoaivámuččat bohtet stáhtaguossástallamii Norgii, de lea Gonagasbárra gussiid vuostáiváldi.


Dábálaččat leat njeallje stáhtaguossástallama juohke jagi; guovtte geardde mátkkošta Gonagasbárra olgoriikkaide, ja guovtte geardde jagis vuostáiváldiba Gonagas ja Dronnet eará riikkaid stáhtaoaivámuččaid geat bohtet Norgii.