Hopp til hovedinnhold

Nuorat hupme árktalaš boahtteáiggi birra

Odne maŋŋelgaskabeaivve gallededje guokte gonagasbára Frammusea Oslos. Fram-nammasaš poláraskiipas deaivvadedje sii gávcci diđolaš, áŋgiris nuoraiguin ja studeanttaiuin Norggas ja Nederlánddas eret.

09.11.2021

Min iežamet gonagas ja dronnet čuovuiga Majestehtaguoktá Gonagas Willem-Alexander ja Dronnet Máxima  polarmuseai mii lea Bygdøyas, Oslos. Gonagas Harald ja Dronnet Sonja leaba doallogoddin golbma beaivásaš stáhtagalledeapmái mii álggahuvvui odne árabut.

Poláranášuvnnat

Norggas ja Nederlánddas leat nanu, historjjálaš čanasteamit ovttas ja maiddái Árktiska guvlui – mearra-ja eananguovllut Davvipola guovlluin.

Frammusea ovdanbuktá norgalaš poláramátkkiid ja Norgga poláradutkama historjja. “Fram” lea das njunnožis ja geavahuvvui golmma ekspedišuvnnas sihke Arktálaš ja Antárktalaš guovllus. Dat mátkkit ledje Fridtjof Nansen vuolde (1893–1896),  Otto Sverdrup vuolde (1898–1902) ja  Roald Amundsen vuolde (1910–1912).

Odne maŋŋelgaskabeaivve gallededje guokte gonagasbára Frammusea Oslos. Govva: Terje Pedersen, NTB

Willem Barentsz lei nederlándalaš áicánmátkkošteaddji ja son fuomášii Svalbárdda jagis 1596. Son lei mielde golbma Nederlándalaš ekspedišuvnnain ja mihtun lei gávdnat davvinuorta manahaga Eurohpas Nuorta-Asiai. Barentsburg, Barentsáhpi, Barentssuolu ja Barentsregiuvdna leat ožžon namaid su gáibmin

Ovdáneapmi ja boahtteáigi Árktiskas

Gonagas Harald ja Dronnet Sonja beasaiga ovttas sudno nederlándalaš gussiiguin gullat gávcci nuorra jiena juogadeame sin oainnuid davviguovllu ovdáneámi ja boahtteáiggi hárrái. Astrid Regine Nässlander, Engeløyas, ja Michal Meyer Nilssen Bådåddjos leaba goappašagat áŋgirat nanaguoddevaš buvttádeami ektui - Nässlander gievkkanhoavdan ja Meyer Nilssen lea ges entreprenevra gii lea álggahan guolenáhkkefitnodaga.

Norgga oasseváldit ledje muđui Ole Martin Melbøe Nygaard  Hársttakas eret, son lea Tromssa ja Finnmárkku Nuoraid filkkaráđi jođiheaddji. Dasto Anja Márjá Nystø Keskitalo gii bargá oahpahallin Sámiráđis. Sus lea geografiija-master NTNU:as  ja lea leamaš miellahttun sámi nuoraidorganisašuvnnas Noereh ja Arctic Frontiers Student Forumas.

Govva: Terje Pedersen / NTB

Arctic Frontiers áirasat, guhte jahkásašaččat lágidit konferánssa Arktálaš guovllu váttisvuođaid ja vejolašvuođaid birra, jođihedje dan maŋŋel birrabeavde-ságastallama áirasiid gaska.

Dálkkádatrievdamat

Dálkkádatrievdamat leat erenoamáš oidnosis Árktalaš guovlluin – erenoamážit mearrajieŋa leavvan geasset.

Norga ja Nederlánda leaba searvan poláradutkamii ja goappašat riikat leabea gieskat almmuhan strategiija Árktiska ektui mii deattuha ahte lea dárbu riikaidgaskasaš ovttasbargui ja dutkamii, ahte nuoraid ferte fátmmastit ja ahte oktasaš doaibmabijjuide lea dárbu goazahandihte dálkkádatrievdamiid.

 

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas