Evttohus ortnega dahje medálja juolludeapmái
Jus háliidat evttohit muhtima ortnegii dahje medálljii, de lea vuosttaš lávki lohkat iešguđetlágan bálkkašumiid birra. Dát dahká ahte sáhtát sihkkarastit ahte evttohus lea heivvolaš ja sáhtát buorebut árvvoštallat makkár dekorašuvdna heive buoremusat.
Dieđuid ja láhkaásahusaid iešguđet ortnegiid ja medáljaid birra gávnnat dáppe.
Ii leat standardiserejuvvon skovvi dasa movt sáddet evttohusa—juohke evttohas lea iešguđetlágan. Muhto leat dihto dieđut maid lea hui ávkkálaččat váldit mielde, lassin muhtun konkrehta, gáibiduvvon dieđuide.
Fásta dieđut
- Evttoheaddji namma, čujuhus ja telefovdnanummir
- Kandidáhta olles namma, ássančujuhus ja riegádanbeaivi
- Kandidáhta ámmát
- Reivves galgá merkejuvvot: “Almmolašvuođa olggobealde. Ii gula almmolašvuođaláhkii. “
- Reivve bajilčála berre leat: “Evttohus addit gonagaslaš dovddastusa sutnje: virgenamahus, namma)”
Sávahahtti sisdoallu
Čále čoahkkáigeasu ohcama duogážii. Dieđuid sáhttá čilget eanet vuđoleabbo eará osiid vuolde.
Dát oassi galgá čiekŋudit dieđuid mat leat kandidáhta CV:s. Kommentere barggu ja doaimmaid mat leat dahkkon dakko gokko orru heivvolaš ohcamušas. Gease ovdan ja deattut dan mii lea dehálaš, mot evttohasa doaibma lea leamaš erenoamáš ja makkár mearkkašumi su dagut leat addán.
Jus dát ii leat juo mielde CV:s:
Čále oppalašgova čuoggáid mielde kandidáhta luohttámušdoaimmain ja su áŋgiruššan eaktodáhtolaš organisašuvnnain. Lea dehálaš čállit organisašuvnnaid, joavkkuid dahje servviid namaid.
Kommentere áŋgiruššama, maid lea olahan ja makkár beliid galgá erenoamážit deattuhit. Lea dehálaš meroštallat man guhká áŋgiruššan bisttii juohke čuoggás, ja maiddái leaigo rolla bálkáhuvvon vai ii.
Atte dieđuid eará gudneduođaštusaid, bálkkašumiid ja vuoittuid birra maid evttohas lea ovdal ožžon.
Bija mielde relevánta mildosiid
- Evttohasa CV (maiddái jus lea ohcan áŋgiruššama ovddas mii ii leat bálkáhuvvon)
- Cealkámušat/ávžžuhusat bargoaddis
- Cealkámušat/ávžžuhusat relevánta ásahusain ja organisašuvnnain
- Cealkámušat/ávžžuhusat organisašuvnnain, servviid, lihtuin
- Cealkámušat/ávžžuhusat relevánta olbmuin
- Bajilgovva čađahuvvon buvttademiin/bargguin
Son gii hábme árvalusa vállje ieš geaid ja galle cealkámušaid sádde ohcamuša mielde. Deháleamos lea ahte áŋgiruššan man háliida gudnejahttit, duođaštuvvo muhtun cealkámušaid bokte.
Jus ovdamearkka dihte kandidáhtas lea guhkesáigásaš eaktodáhtolaš bálvalus valáštallansearvvis, de berre dan searvvi cealkámuš leat mielde. Jus nammadeapmi guoská soapmása bargui, de ohcamis berrejit leat mielde cealkámušat relevánta ásahusain dahje organisašuvnnain mat sáhttet addit árvvoštallama ovttaskas olbmo áŋgiruššama ja olahusaid birra.
Jus evttohuvvo St. Olav-ordenii dahje Gonagasa ánsomedáljai, de Stáhtahálddašeaddji viežžá cealkámuša sátnejođiheaddjis jus leš dárbu.
Gosa galga árvalusa sáddet?
St. Olav-ordena dahje Gonagasa ánsomedálja árvalusat čállojuvvojit Majestehta Gonagassii ja sáddejuvvojit Stáhtahálddašeaddjái evttohusa ruovttofilkkas.
Stáhtahálddašeaddji čađaha álgoáššemeannudeami ja sádde dasto ohcamuša St.Olav ordena Ortnetkanselliijai ovttas sin árvvoštallamiin.
Dáid árvalusaid čállá Majestehta Gonagassii ja sádde Ánssuortnetkanselliijai. Kanselliijas lea kantuvra Olgoriikkadepartemeanttas ja čujuhus lea
Den Kgl. Norske Fortjenstorden
Ordenskanselliet
PB 8114 Dep.
0032 Oslo
Dáid árvalusaid čállá Majestehta Gonagassii ja sádde Ánssuortnetkanselliijai. Kanselliijas lea kantuvra Olgoriikkadepartemeanttas ja čujuhus lea
Den Kgl. Norske Fortjenstorden
Ordenskanselliet
PB 8114 Dep.
0032 Oslo
Gonagasa ánsomedálja árvalusat čállojuvvojit Majestehta Gonagassii ja sáddejuvvojit Stáhtahálddašeaddjái evttohusa ruovttofilkkas.
Stáhtahálddašeaddji čađaha álgoáššemeannudeami ja sádde dasto ohcamuša St.Olav ordena Ortnetkanselliijai ovttas sin árvvoštallamiin.
Áššemeannudanáigi
Váldde vuhtii guhkes áššemeannudanáiggi. St. Olav-ordena evttohusaide gollet sullii guoktenuppelohkái mánu dan rájes go ohcan boahtá Ordenkanselliijai dassážii go vástádus lea addojuvvon. Go evttohat Gonagasa ánssumedálja ovddas, de proseassa bistá sullii guhtta mánu.
Dieđut ohcanproseassa stáhtusa birra – earret eará dieđut bálkkašumiid ja hilgumiid birra – juogaduvvojit dušše áššái guoskevaččaide, namalassii sutnje gii lea ovddidan evttohusa.
Veahkki
Jus dus leat jearaldagat ohcanproseassa birra, de váldde oktavuođa Ordnenkanselliijain e-poastta bokte.