St. Olavortnet
Gonagas Oscar ásahii St. Olav Árvomearkka 1847:s. Árvomearka addojuvvo "bálkkašupmin earenoamáš ánsobarggu ovddas Norgii ja olmmošsohkagoddái buorrin".
Dábálaččat nammaduvvojit gaskal 15 ja 20 olbmo jahkásaččat St.Olavortnegii. Buohkat vuostáiváldojit audienssasGonagasa luhtte jus ieža háliidit.
Vuostáiváldit leat iežaset earenoamážit čalmmustahttán áŋgiruššama bokte, ja bálkkašumi mielde lea čuovvu oanehis ákkastallan nammadeapmái.
Majestehta Gonagas lea árvomearkka Stuorameasttir. Earret gonagaslaččaide ja stáhtaoaivámuččaide, de geigejuvvo St. Olavortnet dušše norgalaččaide.
Dát Árvomearka lea ožžon namas min bassigonagasas, Bassi Olavis, ja dat lea juogaduvvon 5 luohkkái:
- Stuoraruossa
- Kommandøra mas lea násti
- Kommandøra
- 1. luohká Riddár
- Riddár
Árvomerkii gullet maid virjjit maid Gonagas sáhttá addit Stuoraruossa oamasteddjiide. Stuoraruossa virjjiiguin lea árvomearkka alimus dássi.
Sii geat ožžot St.Olavortnega, besset audienssai Majestehta Gonagasa lusa.
St. Olav Árvomearka: Hábmen
Hábmen
Árvomearka lea malteserruossa vilgesemálja gollis. Guovdu lea garrarukses globa man birra lea alit ja vilges riekkis. Globa ovdadbealde lea riikavearjju ledjon gollis, ja duogábealde leat Gonagas Oscar I válgasánit, «Ret og Sanhed». Dan njealji ruossagieđa gaskka manná gohtalaš O gollis man alde lea ruvdna. Kommandøra- ja riddárruossas lea šerres gonagasruvdna vel ruossa bajábealde.
Go muhtun dási St. Olav Árvomearka addojuvvo militeara bálvalusaide ánsun, de dan mearkkas leat guokte alitemálja miehki ruossalaga, vuolábealde gonagaslaš ruvnno mii lea ruossa alde.
Movt árvomearkka galgá guoddit
Riddárruossa galgá guoddit gurutbealde rattis ja kommandøraruossa báttiin čeabehis, ja stuoraruossa galgá guoddit oalgebáttis mii manná fitnjut olgeš oalggi badjel. Nissonolbmot guddet riddárruossa ja kommandøraruossa riddárbátti sløyfas gurutbealde rattis.
Árvomearka galgá máhcahuvvot Árvomearkakanselliai jus oažžu alit dási mearkka dahje jápmima maŋŋá.
Árvomearkka galgá guoddit garrarukses ivnnát báttis mas leat alit ja vilges ravddat.
Ohcan
Evttohus St. Olavortnega juohkimii čujuhuvvo Majestehta Gonagassii ja sáddejuvvo Stáhtahálddašeaddjái evttohasa ruovttufilkkas. Stáhtahálddašeaddji sádde evttohusa Ortnetkanseliijai, ovttas sin rávvagiin.
Ortnetkanseliia ovdanbuktá evttohusaid St. Olav ortnega ráđđái. Ráđis leat dál Bjørn-Inge Larsen (kansler), hoavahoavda, ja ráđđelahtut Tore Ulstein, Ellen Horn, Camilla Brekke ja Espen Egil Hansen.
Ortnetráđđi čoahkkana dábálaččat guokte geardde jagis. Dat ovddida ávžžuhusa juolludeami birra ortnega stuorameašttirii,Majestehta Gonagassii. Stuorameašttir dahká dalle loahpalaš mearrádusa.