Norgga ovddasteaddjin olgoriikkas

Gonagasviessu ovddasta Norgga iešguđetlágan dáhpáhusain ja doaluin olgoriikkas. Dát sáhttet leat ovdamearkka dihte ávvudoalut gos Norgii lea dehálaš oassálastit nu go Normandia gáddáiollema muitodoalut, Auschwitz friddjaluoitin dahje ođđa poava doabmaálgin.

Gonagasviessu doarju maid Norgga valáštallama, dáidaga ja kultuvrra go čuvvot stuorra valáštallandáhpáhusaid, rahpet čájáhusaid main leat Norgga dáiddáriid barggut dahje ovddidit Norgga girjjálašvuođa olgoriikkain.

Stáhtagalledeamit

Stáhtagalledemiin leat ovddasteaddit iešguđet servodatsurggiin mieldemátkkošteaddjin, ja earenoamážit ealáhusaid ovddasteaddjit servet. Ulbmil lea hukset oktavuođaid ja nannet Norgga beroštumiid olgoriikkain.

Stáhtagalledemiide gullet muhtun fásta seremoniála oasit, nugo buresboahtinseremoniija, lieđđebidjan ja almmolaš gallamállásat. Galledeami oktavuođas čađahuvvoiit olu čoahkkimat sáttagottiiguin iešguđet dásis, leat konferánssat,kultuvrra ja ealáhusaid čalmmustahttin ja galledeamit sosiála-ja kulturásahusaide.

Go Gonagasbárra fitná stáhtagalledeamis olgoriikkain, de sudno čuovvu olgoritministtar ja eará ráđđehusovddasteaddjit. Go eará riikkaid stáhtaoaivámuččat bohtet stáhtagalledeapmái Norgii, de leaba Majestehta Gonagas ja Dronnet gussiid vuostáiváldit.

Eará stuora álmmolaš mátkkit

Maiddái Ruvdnaprinsabárra ovddasta Norgga almmolaš mátkkiin olgoriikkain. Diekkár galledeamit leat unnit seremoniála ja eai leat seamma ollu alimusdási čoahkkimat stáhtagalledeami elktui. Muhto ulbmil lea dat seamma: Hukset oktavuođaid ja nannet Norgga beroštumiid olgoriikkas.

Ealáhusat lea dábálaččat viidát mielde delegašuvnnain, sihke stáhtagalledemiin ja eará stuorra almmolaš mátkkiin. Go Gonagas Harald lei ruvdnaprinsa, de son dalle juo ovdánahtii rolla rahpat uvssaid Norgga ealáhusaid ovddas olgoriikkas. Dán rolla lea son doalahan gonagassan ja lea doaibma man Gonagaslaš Allavuohta Ruvdnaprinsa Haakon maiddái deattuha.