St. Olavmedállja
Gonagas Haakon VII ásahii St. Olavmedálja njukčamánu 17. beaivvi 1939. Dat addojuvvo ”bálkášupmin ánssolaš barggu ovddas ahte dovddusindahkat Norgga ja ovddidit oktavuođaid eretfárren Norgga ja ruovttueatnama gaskka".
Habmen
Medállja mii addojuvvo lea silbbas mas lea ruvdna. Das lea ráđđejeaddji gonagasa portreahtta ja namma ja su válgasánit ovddabealde, ja duogábealde lea Olavruossa. Ráđđejeaddji monárkka monográmma lea medálja badjeravddas.
Medállja galgá leat gurutbealde rattis seammalágan báttis go St. Olav Árvomearka.
St. Olavmedállja sáhttá addojuvvot sihke norgalaččaide ja olgoriikkalaččaide.
Earuheapmi St. Olav medáljas eaikaovssiin
Ovdal lei nu ahte Gonagas geigii St. Olavmedálja eaikaovssiin soahtebálvalusa ovddas. Majestehta Gonagas Harald V mearridii sirret St. Olavmedálja eaikaovssiin ja bidjat dan ráđđehusa háldui, suodjalusguoskevaš dekorašuvnnaid ollislaš ođđasisorganisašuvnna oktavuođas.
Gonagaslaš mearrádusain juovlamánu 10. beaivvi 2010 mearriduvvui ahte St. Olavmedálja Eaikaovssiin sáhttá juolluduvvot soahtebálvalusaid ovddas ja bálvalusaid ovddas soahtekonflivttain main Norga lea, dahje šaddá, mielde.
St. Olavmedálja eaikaovssiin juhkkojuvvo Gonagasas stáhtaráđis, Suodjalusdepartemeantta ávžžuhusa vuođul.
Ohcamuš
Árvalusaid geasa galggašii geiget St.Olavmedálja, čállá Majestehta Gonagassii ja dat sáddejuvvojit Ánssuortnegiid kanselliijaid, gos gieđahallet ohcamušaid. Geahča rávvagiid.