Gonagasa Ánssumedálja
Gonagasa Ánssumedálja ásahii Gonagas Haakon VII guovvamánu 1. beaivvi 1908. Dat addojuvvo "bálkkašupmin ánssolaš barggu ovddas mii guoská dáidagii, diehtagii ja doaimmaide ealáhusain, ja earenoamáš dillái almmolaš bálvalusain".
Dát medjála lea gávdnon sullii 120 jagija dan áigodagas leat sullii 37 000 olbmo ožžon dán gudni. Muhtumat leat leamaš ovdavázzin dahje leat bidjan erenoamáš návccaid áŋgiruššamiidda mat leat ávkin servodahkii. Máŋgasat leat olu jagiid viššalit searvan eaktodáhtolaš bargguide iežaset báikkálaš servodagain. Dat maid buohkat juogadit lea eallináiggi áŋgiruššan mii lea ovdamearkan earáide.
Olu iešguđetlágan ámmáhat leat sin searvvis. Doppe leat buohccidivššárat, boanddat, poastabargit, mekanihkkárat, lásebossit, fabrihkabargit, luohttámušolbmot, oahpaheaddjit, direktevrrat, sotnabeaivveskuvlla oahpaheaddjit , neavttárat, valáštallanjođiheaddjit, guolásteaddjit, beastinoffisearat, doaktárat, girječállit ja musihkkárat. Namuhandihte soapmásiid.
Vuostáiváldin Šloahtas
Lea árbevierrun bovdet buohkaid geat leat ožžon Gonagasa ánssumedálja vuostáiváldindoaluide Gonagaslaš Šloahtas. Gonagasbárra lágideaba čoahkkima, gos medáljavuostáiváldit ja sin mieđušteaddjit ožžot guossoheami, vásihit sártniid ja dávjá musihkalaš ovdanbuktima.
Buot namat neahtas
Medálja čuođi jagi ávvudeami oktavuođas 2008:s digitaliserejuvvojedje dieđut mat ledje Ordenkanseliija giehtačállojuvvon registariin1908 rájes. Dan dihte ávvudeami oktavuođas buot 35 000 vuostáiváldi dan rádjai šadde ohcan láhkai Kongehuset.no:s.
Sáhttá ohcat nama, ámmáha dahje báikki mielde, nu ahte lea vejolaš gávdnat fulkkiid ja ja ustibiid geat leat ožžon medálja.
Gonagasa Ánsomedállja: Hábmen
Hábmen
Medálja ovddabealde lea ráđđejeaddji gonagasa amadeaju govva ja namma ja válgasánit, duogábealde lea kránsa masa lea čállojuvvon "Gonagasa Ánsomedállja". Kránssa sisa lea sárgojuvvon vuostáiváldi namma.
Movt medálja galgá guoddit
Medállja galgá biddjot raddái gurutbeallái, báttiin mas leat riikkabannera ivnnit, ruoksat ja fiskes sárggis guovdu.
Medállja bissu oamasteaddji opmodahkan.
Evttohusat bálkkašupmái
Bálkkašumi evttohusat galget čállojuvvot Majestehta Gonagassii ja daid sádde Stáhtahálddašeaddjái. Ohcamuša sáhttá áinnas sáddet dan botta go kandidáhtta ain lea ain aktiiva, ja ii menddo guhká maŋŋel go gudnejahttojuvvon doaibma lea jávkan.
Deattuhuvvo čielgasit makkár ávki rahčamušain lea leamaš servodahkii guhkit áiggi badjel, dasa gullá maiddái eaktodáhtolaš bargu ja servodatberoštupmi. Nuppe dáfus ii leat šat 40 jagi dahje eanet bálvalusáigi juoga mii deattuhuvvo.
Gonagasa ánssumedálja lea dahkkon silbbas. Jagi 2012 rájes juolluduvvo Gonagasa ánssumedálja gollis dušše duođaid erenoamáš oktavuođain ja dan ii sáhte ohcat.
