Gonagaslaš Norgga Ánsoárvomearkka
Gonagaslaš Norgga ánsoárvomearkka ásahii Gonagas Olav V 1985:s. Dat sáhttá addojuvvot bálkášupmin dan ovddas go leat bargan earenoamáš ánssolaš doaimma norgga beroštumiide buorrin.
Majestehta Gonagas lea dán árvomearkka Stuorameasttir.
Ánsoárvomearkkas lea golbma dási ja dat leat juogaduvvon guovtti luohkkái:
- Stuoraruossa
- Kommandøra mas lea násti
- Kommandøra
- 1. luohká Riddár
- Riddár
Árvomearka galgá máhcahuvvot Árvomearkakanselliai jus oažžu alit dási mearkka dahje jápmima maŋŋá.
Ánsoárvomearka: Hábmen
Hábmen
Árvomearkkas lea Olavruossa – gollehuvvon dahje silbbas – ja juohke njealji geažis ruossas lea eaŋkil ruvdna ja vel rukses ruossa mas leat seamma guhkkosaš soajit, ja gasku dan siste lea Gonagas Olav V ruvdnejuvvon monográmma.
Árvomearkka báddi lea čiekŋalis alit ivnnis.
Movt árvomearkka galgá guoddit
Riddárruossa galgá sákkastuvvot olgeš beale raddái ja kommandørruossa mii lea báttis, galgá heaŋgát čeabehis, ja stuoraruossa galgá guoddit govda oalgebáttis mii manná fitnjut olgeš oalggi badjel. Nissonolbmot guddet riddárruossa ja kommandørruossa riddárruossabádde šløyfas gurut bealde rattis.