Njuike váldosisdollui

Ruvdnaprinseassa Märtha muitofoanda

Foandda ulbmil lea addit ruhtadoarjaga organisašuvnnaid ja servviid sosiála ja humaniteara doaimmaide. Prinseassa Astrid, Ferner roavvá jođiha Ruvdnaprinseassa Märtha muitofoandda stivrra.

Foanda ásahuvvui cuoŋománu 1. beaivvi 1929 ja foandda namma lei álggos ”Hennes Kongelige Høyhet Kronprinsesse Märthas Fond”. Foanddas juolluduvvojit doarjaga Ruvdnaprinseassa riegádanbeaivvi oktavuođas, njukčamánu 28. beaivvi.

Lea munnje illun go beasan juohke jagi iežan eatni, Ruvdnaprinseassa Märtha riegádanbeaivvi, juohkit organisašuvnnaid ja servviid sosiála ja humaniteara doaimmaide miehtá Norgga ruhtadoarjagiid, lohká Prinseassa Astrid, Ferner roavvá.

Doaibmannjuolggadusat

Foandda ulbmil lea addit ruhtadoarjaga organisašuvnnaid ja servviid sosiála ja humaniteara doaimmaide. Foandda doarjagat galget gokčat dakkár dárbbuid maidda stáhta dahje suohkanat eai juollut doarjagiid. Eai addojuvvo doarjagat eaŋkilolbmuide ja dábálaččat eai investeremiidda ge. Dušše muhtun hárve háve sáhttá juolluduvvot doarjja seamma ulbmilii eanet go ovtta jagi maŋŋálaga.

Prinseassa Astrid, Ferner roavvá. Govva: Sven, Gj. Gjeruldsen, Gonagaslaš hoavva.

Juolludeamit

Foanddas lei 2005:s sullii 27 000 000 ruvdno kapitálan. Juohke kalenddarjagi vuoitu biddjojuvvo stivra disponeremii jagi maŋŋá. Jus eai juoge buot vuoittu mii lea juohkinládje, de biddjojuvvo ruhta mii báhcá juogikeahttá foandakapitálan.

Dábalaččat juogaduvvo birrasii 1 millijuvnna ruvnno juohke jagi, doarjja juogaduvvo ollu vuostáiváldiide. Standárdadoarjja lea 5 000 ruvnno, muhto sáhttet maid juolludit stuorit doarjaga. 2023:s bohte fondii 264 ohcamuša. Addojuvvui doarjja 154 ohcciide.

Juolluduvvon doarjaga guite galgá sáddejuvvot nu johtilit go vejolaš fondii, ja áinnas galgá čilget masa ruhta lea geavahuvvon.

Stivra

Lea Majestehta Gonagas gii nammada fondii stivrra ja jođiheaddji lea Prinseassa Astrid Ferner roavvá. Lassin Prinsessii leat stivrras vel mielde hoavvahoavda, Egil Vindorum, Knut Brakstad ja Ingelin Killengreen.

Lea Árvomearkakansellia mii lea foandda hálddahus, ja kansellihoavda Mette Tverli lea foandda čálli ja beaivválaš jođiheaddji.

Ohcamušat

Gávdno sierra skovvi mainna galgá ohcat foanddas doarjaga. Dan sáhttá viežžat go čuovvu čujuheaddji dás olgešbealde. Ohcanáigemearri lea guovvamánu 1. beaivvi rádjái. Ohcamuš galgá sáddejuvvot boastta mielde deike:

Kronprinsesse Märthas Minnefond
Ordenskanselliet
Det kongelige slott
0010 Oslo

Gažaldagat mat gusket fondii divvojuvvojit deike:

Ordenskanselliet,
Kansellihoavda Mette Tverli
Det kongelige slott,
0010 Oslo.

Telefuvdna: 22 04 87 00

fond@slottet.no

 

30.03.2023

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas
Fáktadieđut

Áiggut go addit?

Jus áiggut addit donašuvnna Ruvdnaprinseassa Märtha Muitofondii, de lea foandda attáldatkontu 6058.05.05255.