Hopp til hovedinnhold

Uniuvdna bieđgana 1905

Lei riidu sierra norgga konsuláhtadoaimma ásaheami hárrái mii loahpas dagahii ahte uniuvdna gaskal Norgga ja Ruoŧa gopmánii oalát. Dat dilli ahte Norggas eai lean sierra olgoritstašuvnnat, muhto lei Ruoŧa vuollásaš olgoritpolitihkalaš gažaldagain, lei čielga mearkan dasa man ollu heajut dilli Norggas lei uniuvnnas. Badjáneaddji našuvnnalaš dihtomiella dagahii ahte konsuláhtaášši šattai norgga gižžuáššin. Stuoradiggi lei mearridan ásahit sierra konsuláhtadoaimma, muhto Gonagas Oscar II biehttalii miehtamis dasa – ja boađus das lei ahte norgga Ráđđehus celkkii eret doaimmas. Ja go Gonagas ii nagodan nammadit ođđa ráđđehusa, de lei duohtavuođas juo uniuvdna gaskal Norgga ja Ruoŧa gopmánan. Geassemánu 7. beaivvi 1905 mearridii Stuoradiggi loahpahit uniuvnna.