Hopp til hovedinnhold

Prinseassa Märtha Louise Foanda

Prinseassa foanda ásahuvvui čakčamánu 15. beaivvi 1972, vuođđokapitála lei 75.000 ruvnno. Foandda kapitála vuoitu galgá geavahuvvot veahkkin vuollel 16 jagi doaibmahehttejuvvon mánáide Norggas.

Doarjagiid juolludeapmi dahkko Prinseassa Märtha Louise riegádanbeaivvi čakčamánu, 22. beaivvi.

Doaibmannjuolggadusat

Doarjagat mat foanddas juolluduvvojit galget mannat doaimmaide maid organisašuvnnat ja institušuvnnat jođihit, ja dat galget boahtit eanemus lági mielde doaibmahehttejuvvon mánáide ávkin. Doarjagat eai dábálaččat juolluduvvo eaŋkilolbmuide.

Deattuhuvvo ahte doarjagat mat addojuvvojit, galget boahtit njuolga mánáide ávkin, ja eai galgga adnot dábálaš doaibmagoluid gokčamii. Doarjagat galget gokčat dárbbuid maidda stáhta ja suohkanat eai juollut doarjagiid. Danin merkejuvvojit ruđat doaimmaide mat addet mánáide ilu sin beaivválaš eallimis. Dušše hui hárve sáhttá addot doarjja eanet go guokte jagi maŋŋálaga.

Stivra ii meannut ohcamušaid mat lágiduvvojit juste čakčamánu 22. beaivvi, dahje mat leat lágiduvvon ovdal dien beaivvi.

Juolludeamit

Jahkásaččat juolluduvvojit foanddas doarjagat sullii 500 000 ruvnno ovddas. 2013:s bohte fondii 47 ohcamuša, ja 30ohcci ožžo foanddas doarjagiid.

Go juolluduvvon doarjja lea geavahuvvon, de sáddejuvvo jođáneamos lági mielde raporta fondii mas čilge movt ruđat leat geavahuvvon.

Stivra

Foandda stivrra nammada Majestehta Dronnet Sonja, ja dan jođiha Prinseassa Märtha Louise. Stivrras leat lassin Prinsessii mielde advokáhtta Kristine Ryssdal, forbunddajođiheaddji Karin Liabø ja ráđđeaddi Ole Jacob Sunde. Árvomearkakansellia lea foandda hálddahus, ja kansellihoavda Mette Tverli lea foandda beaivválaš jođiheaddji.

Foanddas lea ráđđeaddi komitéa mas leat mielde Anders Smith, Benthe Nilsen ja Hanne Ramstad Jensen.

Ohcan

Gávdno sierra skovvi maid galgá geavahit go ohcá foanddas doarjaga. Dan sáhttá viežžat go čuovvu čujuheaddji dán olgešbealde. Ohcanáigemearri lea borgemánu 1. beaivvi rádjái. Ohcamuš sáddejuvvo deike:

Prinsesse Märtha Louises Fond
Ordenskanselliet
Det Kongelige Slott
0010 Oslo

Oktavuođat

Jus áigu foanddain oktavuođa, de oažžu dieđuid dáppe:

Kansellisjef Mette Tverli,
Ordenskanselliet,
Det Kongelige Slott,
0010 Oslo.

Telefuvdna: 22 04 87 00

E-boasta: fond@slottet.no

 

21.09.2018

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas
Prinsesse Märtha Louise forteller om fondet - hvem det er til for og hva arbeidet med fondet og samværet med funksjonshemmede har betydd for henne (Foto: Christian Lagaard, Det kongelige hoff)
Fáktadieđut

Áiggut go addit?

Jus áiggut addit donašuvnna Prinseassa Märtha Louise Fondii, de lea attáldatkonto 6058.05.05441.