Hopp til hovedinnhold

Hábmenákca ja innovašuvdna Sunnmøres

– Dálá áiggi ráfehis dilis, de dárbbašit sunnmøra áŋgirvuođa, doaimmalašvuođa ja optimismma, dajai Majestehta Gonagas go doalai sártni Sykkylvenis. Gonagasbárra lea fylkkamátkkis Møre ja Romsdalas.

30.08.2022

Maŋŋel fiinna ovdalgaskabeaivvi Fjord suohkanis, de manai Gonagasskiipa vuotnaráigge Sykkylvenii Sunnmørsálpaid dahje váriid guovddážii. Gonagas Harald ja Dronnet Sonja jođiiga sjaluppain maŋemus oasáža Sykkylvena smávvafanashápmanii gos skuvlakorpsa ja lieđđemánát ledje vuordime.

Gonaga ja Dronnet oaččuiga liđiid 8-jahkásaččain Martine Nordstrand Brungot ja Viljar Hajic Winsrygg. Govven: Liv Anette Luane, Gonagaslaš hoavva

Stohpogálvooaivegávpot Sykkylven

Kyrkjeparkenis guovddážis, lei ráhkaduvvon olgolávdii. Auremarka bokte leat gávdnon ássanguovllobázahusid stuora viesuiguin ruovde-ja bronasáiggis. Dán historjjálaš ruovttoluottageahčastaga lassin beasai Gonagasbára vásihit báikkálaš guoimmuheami Bertram-nammasaš giloriginálan ja leaikkastalliin. Ja soai oahpásmuvaiga stohpogálvo- dahje møbeloaivegávppogiin, Sykkylven

Suohkana ealáhusaid ovdáneapmi lihkustuvvá, earret eará eksportere stohpogálvoindustriija gálvvu olles máilbmái. Leat leamaš nu eatnat go  120 møbelbuvttádeaddi suohkanis.

– Eske go moai Dronnegiin bođiime Sykkylvenii, de doven ahte oalggit dego luite veahá, olmmoš dego vuoiŋŋastii. Go ii leat dábálaš boahtit dakkár báikái gos stuorámus beakkálmasaid namat leat Stressless, Siesta ja Svane. Mun bealistan de dovden -in leat gal jearran Dronnegis maid son oaivvilda- ahte illudan suohkangalledeapmái mii soaitá leat veahá jaskat , ii ge nu hušša- mii lea mu miela mielde, dajai Gonagas Harald ja oaččui gussiid sihke mojohallat ja bohkosiid.

Gonagas Harald doallá sártni Sykkylvenis. Govven: Lise Åserud / NTB

Seammás lea nu ahte Sunnmøre olbmot eai leat dovddus láikkit, lasihii Gonasa ja gesii ovdan hápmennávcca ja innovašuvdnagealbbu man ovddas Sykkylven lea šaddan oahpis.

-Dáppe leat bargosajit, muhto maiddái olu kultuvra. Hábmennákca lea nanus, sihke koara, korpsa ja valaštallama dáfus. Ja sihkkarit vel olu eará servviin mát gávdnojit, dajai Gonagas Harald.

Loga Gonagasa sártni dás

Moalkás gođđinteknologiija

Sykkylven Janitsjarorkester SJORK, Fauske-gutane, tubačuojaheaddji Helene Velle Ødegård, kulturskuvlla oahppit ja Sykkylven konseartakoarra dagahii ahte prográmma šattai allaáiggálaš ja čáppat. SJORK ja konseartakoarrra loahpahedje Gonagaslávalgiin.

Govven: Lise Åserud /NTB

Ovdalaš lávdeprográmma, galledii Gonagasbárra golbma erenoamáš dáiddára geat ledje boahtán Kyrkjeparkenii. Sii ledje tekstiiladáiddár Marit Helene Akslen, metálladáiddár Kjell Gunnar Øverøye ja govvendáiddár Geir M. Brungot.

Gonagas Harald ja Dronnet Sonja oaččuiga maiddái skeaŋkkan goabbatge 3D-gođđojuvvon busera. Lei Lars Einar Riksheim Amatec-fitnoagas gii skeŋkii dáid.  Amatec váldokántuvra lea Sykkylvenis ja dát fitnodat leat Norgga stuorámus lágideaddji daid searvvis geat fállet mášiinnaid ja dávviriid goarrunindustriijai.

Ovdal go guđđiida Sykkylvena smávvafanashábmana, de deaivvaii Gonagasbárra journalisttaiguin ja juogadeigga vásáhusaid dan radjái.

Maŋŋel joatká mátkki  Vanylvenii ja Sandii.  

 

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas