Hopp til hovedinnhold

Álgga Fjord-nammasaš turistasuohkanis

–  Čađahit jahkásaš fylkkamátkkiid, lea munnje ja Gonagassii hirbmat divrras ja juoga maid atne árvvus, dajai Majestehta Dronnet gii doalai mátkki vuosttaš sártni. Golbma beaivvi galledeaba Gonagasbárra vihtta suohkana Møre ja Romsdalas.

30.08.2022

Fjord suohkan lei mátkki vuosttaš bisánanbáiki, ja ovdalgaskabeaivve olliiga Gonagagasbárra gáddái Syltetorget šiljui eanamuorjegilážis Valldalas.

Govven: Lise Åserud, NTB

Káijas vurddiiga 9-jahkásaččat Odin Storheim Homlong ja Johanne Melchior Meek Gonagasbára liđiiguin. Korpsačuojaheaddjit čuojahedje oahpes šuoŋaid.

Álbmotfeasta Syltetorget-šiljus

Sátnejođiheaddji Eva Hove sávai buresboahtima Gonagasbárrii ja Fjord kulturskuvlla oahppit guoimmuhedje álbmotšuoŋaiguin. Dát  oassi loahpahuvvui hirbmat finálačájálmasain. Odd Nordstoga «Dans, dans, dans» nuhttii, oaččui kulturskuvla veahkkin golmma skuvlla ohppiid ja stuora koara báikkálaš lávlunčehppiiguin.

Dehálaš turistasuohka njálgga eanamurjjiiguin

 –  Čađahit jahkásaš fylkkamátkkiid, lea munnje ja Gonagassii hirbmat divrras ja juoga maid atne árvvus, dajai Majestehta Dronnet Sonja Valldala sárdnestuolus.

–   Moai besse vásihit min riikka vaikko makkár dálkkis, ja ožžo vejolašvuođa návddašit buot buoremus ovddasteddjiid báikkálaš kultuvrras, borramušas ja árbevieruid dáfus.Dattege lea buot buoremussan deaivvadit olbmuiguin geat orrot miehtá riikka. Olbmot geat čevllohallet ruovttubáikki olis ja geat dagahit stuora ja smávit liekkus searvevuođaid gávppogiin ja giliin.

– Čađahit jahkásaš fylkkamátkkiid, lea munnje ja Gonagassii hirbmat divrras ja juoga maid atne árvvus, dajai Dronnet Sonja. Govven: Liv Anette Luane, Gonagaslaš hoavva

Dronnet giitalii buohkaid likkkus buresboahtima ovddas, ja namuhii ahte máilmmiárbesuohkan Fjord lea okta dain čábbámusain mii mis lea. Son maid juogadii oasážiid su iežas mátkkiin dán guovllu vuonain, váriin ja dáluin.

Loga Dronnega sártni dás

Fjord lea dehálaš turistasuohkan ja doppe leat várit ja vuonat mat leat dego máidnasiin vižžojuvvon. Oallugat háliidit vásihit Trollstigen geainnu gaskal Rauma ja Fjord, ja olles 16 proseantta ássiin leat bargguin mat leat čadnon mátkeealáhussii.

– Gonagas ja mun letne hirpmáhuvvan suohkana ealáhusdoaimmaid geažil;  turistaealáhus šaddá ja leavvá, guollebiebmanealáhusas lea ođasmahttin, dáppe gávdno máilmmidovddus hotealla ja- dieđusge eanadoallu, dajai Dronnet ja namuhii erenoamážit daid njálgga eanamurjjiid maid geažil Valldal lea dovddus.

Govven: Lise Åserud / NTB

Fjord suohkanis buvttadit dasa lassin gortni ja aprikosaid, ja Gonagas ja Dronnet beasaiga máistit njálgga báikkálaš murjjiid, šattuid ja lákcajieŋa go galledeigga Syltetorget. Stuolut main Gonagasbárra čohkkai galledeami oktavuođas, leat maid ráhkaduvvon báikkálaš buvttadeddjjiin, namalassii Sitwell ja Stordal Møbel.

Dološ, árvvolaš Sylte hoteallas lea olu historjá, earret eará galledii Gonagas Haakon dán hotealla Trollstigena rahpama oktavuođas jagis 1936. Ole Henrik Uri, gii ovttas guimmiin jođiha hotealla Valldala guovddážis, čájehii hotealla lagabuidda Gonagasbárrii.

Galledeami oktavuođas Valldalas, dearvvaheigga Gonagas ja Dronnet njeallja olbmo suohkanis geat leat ožžon Gonagasa Ánssumeldáljja, – Astor Furseth, Dagny Lovise Eide, Kristian Almås ja Nikkoline Myren Grønning.

Gonagasbárra dearvvaheaba Nikkoline “Nikka” Myren Grønning gii lea 105 jagi boaris. Árabut dán jagi oaččui son Gonagasa Ánssumedáljja go lea váldán vára ja gaskkustan árbevirolaš borramuša ja borramuškultuvrra. Jagis 2021 šattai okta moalki Trollstigenluottas su gáibmin. Govven: Lise Åserud / NTB 

Viidáseappot manná mátki Sykkylvenii, gosa Gonagasskiipa ollii dii 16.00. 

Govven: Gonagaslaš hoavva

 

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas