Njuike váldosisdollui

Loahpahii mátki Florøas

Smávvafatnasat čuvvo Gonagasskiipa Norge káijái Florøas – gos Gonagasbárra lávkii gáddái ja galledii Florøa kulturviesu ságástallat ja gullat olbmuid dili birra pándemiija áigge.

17.06.2021

Lea maŋimus beaivi dan golmmabeaivásaš mátkkis Vestlandas

Majestehta Gonagasas ja Majestehta Dronnegis lea leamaš sávaldat gullat mot báikegottit ja olbmot leat birgen dál pandemiija áiggi ja makkár vásáhusat sis leat.

- Sávvamis oaidnigoahtit loahpa dan dilis, vaikko eat vissásit dan ge dieđe, Gonagas dajai Flåmas – vuosttáš bisánanbáikkis Vestlanda mátkkis.

Ságastallamat nuoraiguin, eaktodáhtolaš bargiiguin, ealáhusaiguin ja kultureallimiin

Korpsmusihkkarat Florø Hornmusikkas ja Florøskulen brassbandas čuojahedje arvedálkkis go Gonagasbárra vázzilii Gonagasskiippas vulos gáddái Fugleskjærkáijái Florøs – Norgga oarjjimus gávpogis.

Gonagas ja Dronnet vázziba Gonagasskiippas vulos gáddái. Govva: Heiko Junge / NTB

Florø kulturviesus lei ges kulturovdanbuktin nissonkoara Fryd ja dievdokoara Gammena bokte. Gonagasbárra beasai geahččat oasi Kinnarspeles – mii 35 jagi lei čájehuvvon juohke  aidna jagi ovdal go pandemiija deaivvai min riikii njukčománu 2020:s.

Eaktodáhtolaš bargi Gustav Johan Nydal muitalii ahte sii leat maŋemus jagi geavahan ođasmáhttit ja divodit molssafárddaid ja lávdedávviriid.

Kinna suohkanii ii leat koronapandemiija nu bahát čuohcan. Ealáhusat gal leat bures birgen mannan jagi, muhto nuorat muitaledje losses dili birra pandemiija ja giddema geažil. Håkon Skram Heggen, sátnejođiheaddji Nuoraid suohkanstivrras, muitalii ahte olu nuorat ledje massán beroštum sihkei politihkas ja servodagas.

Nuoraidsátnejođiheaddji Håkon Skram Heggen doallá sártni Gonagasbárrii Florø kulturviesus. 

Vudje Florø miehtá

Gonagasbárra vujii liigemohkii biillain ruovttoluotta Gonagasskiippái vai Gonagas ja Dronnet beasaiga oaidnet eanet gávpogis.

Geainnu miehta ledje čuohtenáriid mánát -  dálkki mielde gárvodan ja norgga leavggat gieđain.

Korpsmusihkkarat gáhtas mársejit Gonagasbára galledeami vuolde. Govva: Simen Sund, Gonagaslaš hoavva

 

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas