Hopp til hovedinnhold

Gonagasbárra rámis Flåmas

Dan vahku Gonagasbárra ja Gonagasskiipa galledit 3 suohkana Oarje-Norggas. Álggos bisánedje Flåm gillái, siskkimusas Aurlandsfjordenis.

15.06.2021

Majestehta Gonagas ja Majestehta Dronnet galledeaba dan giđđageasi Aurland, Hyllestad ja Kinn suohkaniid gulaskuddan dihte mot báikegottit ja ealáhusat leat birgen pandemiija dilis. Mihtilmas Oarje-Norgga dálkkis gos ain molsu beaivváža, biekka ja arvvi gaska, Gonagasbárra ja Gonagasskiippa Norge ollejedje bruggái Flåmas.

Oarje-Norgga dálki go Gonagasskiippa bođii Aurlandsfjordenii. (Govva: Heiko Junge / NTB)

Flåma brukkas sátnejođiheaddji Trygve Skjerdal válddii vuostá Gonagasbára. Dábálaččat livčče dán gili bruggái boahtit birrasii 4000 turista beaivválaččat sihke cruisefatnasiin ja vel mátkkošteaddjit Flåmsbaneniin, muhto maŋemus jahki lea Aurlandas leamaš jaskat.

«Áigi lea guhki leamaš, eat ge vel dieđe goas geahčči boahtá, ja dat gal lea garrasit čuohcan olbmuide. Ja nu leat máŋgasat gártan nuppástuhttimii. Ja dan leat nagodan», dajai Gonagas galledeami maŋŋel.


Sátnejođiheaddji jođihii diehtojuohkima gos Gonagasbearaš beasai gullat suohkana mátkeealáhusa birra. (Govva: Simen Sund / Gonagaslaš hoavva)

Mátkeealáhusa hástalusat pandemiija dilis

Gonagasbearaš beasai gullat mátkeealáhussuohkana Aurlanda dili birra. Sátnejođiheaddji Trygve Skjerdal jođihii diehtojuohkima, ja muitalii suohkana birra  mii šattai stuora bártái go buot olgoriika turisttat jávke pandemiija geažil. Sihke Aud Melås, gründar ja Flåmsbrygga eaiggát, Sivert Bakk, Flåmsbanena doaibmajođiheaddji/ Flåm utvikling AS, ja Tone Rønning ja Bjørn Vike geat bargaba turismain ja hoteallain doallohotealla 29/2 Aurland, ja Erling Oppheim – beaivválaš jođiheaddji Nærøyfjorden Verdsarvparkas – muitaledje. Sii muitaledje makkár dilli sis lei pandemiija vuolde, ja mot sidjiide lei baggu nuppástuhttit ja álgit eará ládje jurddašit. Diehtojuohkin lei Fretheim turisthotellas. 

New Yorkas Flåmái

Galledeami loahpas Flåmas Gonagasbárra finai Ægir vuoššanfabrihkas. Doppe gründer ja beaivválaš jođiheaddji Evan E. Lewis válddii sudno vuostá. Lewis lea álgoálgosaččat New Yorkas vuolgán, muhto diđii čielga sognesuopmanii, muitalit mot dát fitnodat lea nagodan ásaiduvvat dan uhca gilážii ja dakkár bivnnuhis lágideaddjin šaddan gosii miehtá riikka.

Gonagasbearaš beasai gullat mot dat bivnnuhis Ægir vuoššanfabrihka ásaiduvai. (Govva: NTB / Heiko Junge)

«Lea somá gullat man hutkát olbmot leat váttis dilis. Ja vel dainna diliin mii mis lea leamašan mannan jagi, de lihka nagodit jurddašit eará ládje ja mot boahtte áiggis galggašii birget. Dat lea nana buorre», Dronnet loahpahii ovdal viidáset mátki Gonagasskiippain, máilmmiárbevuona Nærøyfjordena čađa, Hyllestada guvlui.  

Guoskevaš leaŋkkat

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas