Hopp til hovedinnhold

Mátki Báltalaš eatnamiin joatkašuvvá

Ruvdnaprinsabárra mátkkoštii viidáseappot Estteeatnamii odne -mii leat goalmmát báltalaš riika gos soai fitnaba guossástallanmátkkis dáid beivviid. Muhto sudno mátki  álggii Litauenis,Vilnius gávpogis,  gos lei suodjalusiđitborramuš ja ealáhusseminára.

25.04.2018

Gonagaslaš Allavuođaguovttos Ruvdnaprinsa ja Ruvdnaprinseassa leigga fárus go norgga-litauen seminára "Norwegian Technology Inspiring Growth" rahppui odne, ja Ruvdnaprinseassa Mette-Marit doalai sártni rahpandilálašvuođas.

Litauena ja Norgga gaskasaš gávppašeapmi lassána.  Goappešat riikkat leat guhkás joavdan digitaliseren doaimmain, ja leat juo álggahuvvon ovttasbarggut diehtojuohkin- ja gulahallanteknologiija suorggis. Otná seminára ulbmil lea juogadit vásáhusaid, movttiidahttit ja čatnat ođđa oktavuođaid.

"It provides an excellent opportunity to share knowledge, and discuss technologies that promote growth and foster cooperation between Norwegian and Lithuanian companies."


Ruvdnaprinsabárra ja Presideanta Dalia Grybauskaitė besse stivret gründara Morten Rynning sihkkela CityQ ovdal seminára rahpama. Govva: Lise Åserud / NTB ScanpixRuvdnaprinsabárra ja Presideanta Dalia Grybauskaitė besse stivret gründara Morten Rynning sihkkela CityQ ovdal seminára rahpama. Govva: Lise Åserud / NTB Scanpix

Suodjalusovttasbargu

Norggas lea lagas ovttasbargu buot golmma báltalaš riikkain NATO siskkobealde, ja norgga suodjalusindustriija doaimmaha ávdnasiid sihke Estteeatnamii, Latviai ja Litauenii.  Ruvdnaprinsa Haakon ságastalai dien fáttá juo odne iđđes, go deaivvadii sihke suodjalusindustriija ja norgalaš – ja litauena eiseválddiid ovddasteddjiiguin iđđesborramuša boradettiin.

Suodjalusovttasbargu lei maŋemus ášši prográmmas Litauenis. Norgalaš soalddáhat leat stašonerejuvvon Litauenii oassin NATO- ovttasbarggus, ja Ruvdnaprinsabárra dearvvahii muhtumiid sis ovttas suodjalusministariin Frank Bakke-Jensen.

 

Ságastallame norgalaš soalddáhiiguin Vilnius Suodjalusdepartemeanttas. Govva: Lise Åserud / NTB ScanpixSágastallame norgalaš soalddáhiiguin Vilnius Suodjalusdepartemeanttas. Govva: Lise Åserud / NTB Scanpix


Dasto jotke sii mátkki Estteeatnamii – maŋemus dan golmma riikkas gos galget fitnat dán mátkkis.

Buresboahtinseremoniija Tallinnis

Go ledje bures joavdan Estteeatnama oaivegávpogii Tallinnii, de sávai H.E. Presideanta Kersti Kaljulaid buresboahtima Ruvdnaprinsabárrii allaáiggálaš seremoniijain olggobealde  Kadriorg presideantagárdima. Dien guovtti riikka našunálalávlagat čuojahuvvo, ja dasto inspiseriiga Ruvdnaprinsa Haakon ja Presideanta Kaljulaid estilaš gudnigardena.


Ruvdnaprinsa Haakon ja Presideanta Kaljulaid inspisereba estilaš gudnigardena. Govva: Lise Åserud, NTB ScanpixRuvdnaprinsa Haakon ja Presideanta Kaljulaid inspisereba estilaš gudnigardena. Govva: Lise Åserud, NTB Scanpix

 

Maŋŋel seremoniija čohkkededje Presideanta ja Ruvdnaprinsabárra  ságastallat, ja dasto lágiduvvo bilaterála čoahkkimat gaskal Norgga ja Estteeatnama delegašuvnnaid. Presideanta Kaljulaid ja Ruvdnaprinsa Haakon lágideigga oktasaš preassadeaivvadeami ovdal go guossástallan Kadriorg  šloahtas loahpahuvvui Kadriorg párkkas.

Párka mii birasta Presideantagárdima lohkko leat Estteeatnama fiidnámus báikin. Doppe leat máŋga musea ja lea beakkán báiki gos ollugat fitnet, sihke mátkkálaččat ja Tallinna iežas olbmot. Ruvdnaprinsa ja Ruvdnaprinseassa gilvviiga áikamuora dien párkii.


Ruvdnaprinsabárra gilvvii áikamuora párkii mii birasta Presideantagárdima. Govva: Lise Åserud, NTB ScanpixRuvdnaprinsabárra gilvvii áikamuora párkii mii birasta Presideantagárdima. Govva: Lise Åserud, NTB Scanpix

Guossin Parlameanttas

Riigikogu lea Estteeatnama láhkaaddi eiseváldi namma. Parlameanta čoahkkana Toompea šloahtas, mii lea muhtun alážis Tallinn boares gávpoga bealde. Ruvdnaprinsa Haakon  finai guossin Riigikogus eske veaigin, ja doppe son dearvvahii maiddái H.E. Eiki Nestor, guhte lea Estteeatnama parlameanttapresideanta. 

Ruvdnaprinsa beasai maid oaidnit parlameantta čoagganansála dien guossástallamis.

Lieđđebidjan

Vabaduse Square - Ráfibáikkis – ceaggá Friddjavuođaruossa, mii lea oassi monumeanttas mii lea gudnin sidjiide geat gahčče estilaš friddjavuođasoađis.

Ruvdnaprinsa Haakon bijai liđiid monumeantta lusa eske veaigin. Dat lei allaáiggálaš seremoniija gos čuojahuvvo sihke Norgga ja Estteeatnama našunálalávlagat.


Ruvdnaprinsa Haakon bijai liđiid monumeantta lusa mii lea ceggejuvvon gudnin sidjiide geat gahčče Estteeatnama friddjavuođasoađis. Govva: Lise Åserud, NTB Scanpix
Ruvdnaprinsa Haakon bijai liđiid monumeantta lusa mii lea ceggejuvvon gudnin sidjiide geat gahčče Estteeatnama friddjavuođasoađis. Govva: Lise Åserud, NTB Scanpix
 

Mállásat Kadriorg dáiddamuseas

Odne eahkes leaba Ruvdnaprinsa Haakon ja Ruvdnaprinseassa Mette-Marit presideantta guossit almmolaš mállásiin Kadriorg  dáiddamuseas. Estteeana ávvuda maid dán jagi 100-jagi iešstivrema , nugo Latvia ja Litauen maid dahket, ja Ruvdnaprinsa  buvttii lihkkosávaldagaid Norgga álbmogis.

"Norwegians of my generation have heard the stories of the occupation in our country from our parents and grandparents. But you know first-hand, from your own experience, what it means to not be free. And because of that, you know the true value of freedom. "

"On behalf of the Norwegian people, I am happy to congratulate you on the 100th Anniversary of the Republic of Estonia!

 

Ihttin joatkašuvvá guossástallan Tallinnis. Ihttá prográmmas galget čalmmustahttit ealáhusaid, ja guossástallan loahpahuvvo boares gávpogis vázzimiin.

 

 

Fáktadieđut

Dieđut Litauena birra

Oaivegávpot: Vilnius

Stuorámus gávpogat: Vilnius, Kaunas, Klaipėda 

Viidodat: 65 300 km2 (Norga: 385 186 km²)
Olmmošlohku: sullii 2 823 000 (2017).
Birrasii 84 % leat litauenat. 7 % álbmogis leat polahkat ja 6 % ruoššat.

Giella: Litauengiella

Stivrejupmi: Republihkka
Stáhtaoaivámuš 2018: Dalia Grybauskaitė
Vuođđuduvvon guovvamánu 16. beaivvi 1918.

 Majestehta Gonagas Harald lei stáhtaguossástallamis Litauenis 1998:s. Litauena dálá  Presideanta, Dalia Grybauskaitė, lei stáhtaguossástallamis Norggas 2011:s.

Dološ áiggi rájes lea Norga ja Litauen gávppašan ollu sallidiid, hámppa ja liinna. Dál leat registrerejuvvon sullii 25norgiigullevaš gávpelágádusa Litauenis, ja gávppašeapmi lassána ain. Birrasii 44 000 litauena ásset Norggas.

Norgga ja Litauen gaskavuohta lea buorre, sihke bilaterála dásis ja maiddái ON ovttasbargguin, Østersjøráđis, NATO, ja NB8 ovttasbarggus (davviriikkalaš – báltalaš ovttasbargu).

Gáldu: Olgoriikadepartemeanta

 

Presideanta Dalia Grybauskaitė vuostáiváldá Ruvdnaprinsabára. Govva: Lise Åserud / NTB Scanpix
Fáktadieđut

Dieđut Estteeatnama birra

Oaivegávpot:Tallinn
Stuorámus gávpogat: Tallinn, Tartu ja Narva

Viidodat: 45 339 km2 (Norge: 385 186 km²)
Olmmošlohku:  sullii 1 318 700 (2018)
Birrasii 69 % leat estilaččat. 25% álbmogis leat ruoššat.

Giella: Esttegiella

Stivrejupmi: Republihkka
Stáhtaoaivámuš 2018: Presideanta Kersti Kaljulaid
Vuođđuduvvon guovvamánu 24. beaivvi 1918

Majestehta Gonagas Harald lei stáhtaguossástallamis Estteeatnamis 1998:s.
Estteeatnama presideanta lei stáhtaguossástallamis Norggas 2014:s ja 2002:s.

Norggas ja Estteeatnamis lea lagas ja buorre bilaterála gaskavuohta, ja leat ollu oktavuođavejolašvuođat. Maiddái kultureallimis lea viiddis oktavuohta, ja dán guovtti riikka gaskasaš gávppašeapmi lassána dađistaga. Birrasii 5 000 estilačča ásset Norggas, ja ollu norgalaččat fitnet Estteeatnamis.

Gáldu: Olgoriikadepartemeanta

 

Ruvdnaprinsabárra ja Presideanta Kaljulaid allaáiggálaš buresboahtinseremoniijas Tallinnis. Govva: Lise Åserud, NTB Scanpix.

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas