Hordalánda 2002

Voss ja Kvam borgemánu 13. beaivvi

Ruvdnaprinsabárra bođii Vossii togain Oslos. Vossas muitaledje Ruvdnaprinsabárrii álggos Vangskyrkja birra, dásto finaiga soai Voss mánáidgárddis. Dan maŋŋil beasai Ruvdnaprinsabárra earet eará geahččat ekstremfalástallama. Guossástallan Vossas loahpahuvvui Vetleflaten fuolahusguovddážis.

Øysteseas, Kvam suohkanis finai Ruvdnaprinsabárra Ingebrigt Vik museas, ja soai beasaiga maid fitnat geahččamin ja oaidnimin movt Hardanger fartøyvernmusea doaibmá. Doppe sáhtostedje Ruvdnaprinsabára guvttiin girkofatnasiin suga Sandven Hotellii gos ledje mállásat eahkes.

Etne, Odda ja Tyssedal borgemánu 14. beaivvi

Maŋŋil go leigga beassan oaidnit Fjellstrand verft A/S, de sáhtostedje Ruvdnaprinsabára Mearrasuodjalusa MTB fatnasiiguin Etne suohkanii. Doppe beasai Ruvdnaprinsabárra earet eará oaidnit oasi teáhterčájáhusas dan guovllus ”Kongen frå Etne” Oddas beasai Ruvdnaprinsabárra earet eará oaidnit nuoraidhálla ja Bokkotunet ássan- ja fuolahusguovddáža. Ruvdnaprinsabárra mátkkoštii viidáseappot Tyssedalii heasttain ja fatnasiin. Doppe lei lávlun ja neaktin, ovdal go Ruvdnaprinsabárra finai geahččamin Tyssedal kraftstašuvnna. Dan maŋŋil ledje mállásat Ullensvang hoteallas.

Ullensvang borgemánu 15. beaivvi

Ullensvangas beasai Ruvdanprinsabárra fitnat geahččamin Hardanger bestikk fitnodaga. Dan maŋŋil manne sii Kinsarvik girkui ja doppe muitaledje feara makkár dieđuid ja maŋŋil čuojahedje musihka. Dasto mátkkošteigga viidáseappot fatnasiin Ulvikii. Ulvikas čájehedje leikaring ja folklore duhátjagibáikkis, ja dan maŋŋil finai Ruvdnaprinsabárra geahččamin govdafierbmefitnodaga INO A/S. Ja dan maŋŋil finaiga Hjeltes gartnerskuvllas gos sihke oinniiga ja gulaiga maid doppe barget.

Maŋŋá lunsja Brakanes hoteallas loahpahii Ruvdnaprinsabárra fylkamátkki ja mátkkošteigga togain Vossas Osloi.