Finnmárku 2004

Borgemánu 30. beaivvis – čakčamánu 1. beaivái 2004 lei Ruvdnaprinsabárra fylkamátkkis Finnmárkkus. Doppe soai finadeigga Hammerfeastta, Fálesnuori, Muosát, Davvesiidda, Gáŋgaviika, Várggát ja Čáhcesullo suohkaniin. Soai mátkkošteigga Gonagasskiippain.

Hammerfeasta, Fálesnuorri ja Muosát borgemánu 30. beaivvi

Ruvdnaprinsabárra joavddai Hammerfestii mánnodaga Gonagasskiippain. Doppe ledje earet eará kulturdoalut gávpešilljobáikkis. Ruvdnaprinsabárra čállojuvvui gudnimiellahttun Isbjørnklubbenii. Melkøyas muitaluvvui Statoil rusttega birra ja sudnuide čájehuvvui maid dát rusttet.

Fálesnuoris beasaiga gullat tidevannskraftverk birra ja finadeigga Mearrasámi museas, ja Fálesnuori boarrásiid siiddas. Ávanuoris, Muosát suohkanis, beasai Ruvdnaprinsabárra gullat Artic Wind bieggamillopárkka birra. Maŋŋil beasaiga soai oaidnit oasi ”Stormenis”.

Davvesiida ja Gáŋgaviika borgemánu 31. beaivvi

Davversiiddas beasai Ruvdnaprinsabárra earet eará vázzit ja geahččat West Fish Aarsæther, ja oaččuiga dieđuid nu movt Dyfjord mearrasámiid daid muitaledje.

Donjevuonas, Gáŋgaviikka suohkanis, lei gávpešilljobáikkis kulturprográmma, ja maŋŋil fitne Donjevuona Dearvvašvuođaguovddážis. Donjevuona girdihámmanis rabai Ruvdnaprinseassa Eurohpá davimus vázzinbálgá. Maŋŋelaš seamma beaivvi čájehedje sudnuide Slettnes fyr. Eahkes lei vuostáiváldin Gonagasskiippas.

Várggát ja Čáhcesuolu čakčamánu 1. beaivvi

Várggáin čájehedje Várggáid musea, Trekløveret Mánáidgárddi ja Vardøhus festning. Dasto jotkkii mátkki Biergái, gos Ruvdnaprinsa bijai liđiid partisanermonumeantta lusa. Čáhcesullos lei Ruvdnaprinsabárra mielde rahpamin Røde Kors ja Kirkens Nødhjelp ruhtačoagginákšuvnna. Dasto manne viidáseappot sisafárrejeddjiidmonumeantta lusa, gos muitaluvvui Čáhcesullo sisafárrejeddjiid historjá.

Ruvdnaprinsabárra mátkkoštii Gonagasskiippain viidáseappot Girkonjárgii, gos Fylkamátki nogai.