Østfold 2001

Rømskog ja Marker skábmamánu 11. beaivvi

Ruvdnaprinsabárra bođii Rømskogai, gos leigga ipmilbálvalusas Rømskog girkus. Dan maŋŋá finaiga soai boarrásiidsiiddas. Marker suohkanis beasai Ruvdnaprinsabárra mátkkoštit Engebret Soot dámpaskiippain ovdalgo manaiga geahččat ja gullat Ørje bruk ja Haldenvassdragets kanalmusea birra. Dan maŋŋá soai finaiga falástallanhállas, gos Ruvdnaprinsabárrii čájehedje iešguđetlágan aktivitehtaid. Eahket loahpahuvvui mállásiiguin ráđđeviesus.

Aremark ja Rakkestad skábmamánu 12. beaivvi

Aremarkas álggii beaivvi prográmma nu ahte beasaiga gullat ja oaidnit BMX sykkelastiid birra. Dasto finai Ruvdnaprinsabárra Fossbykollen boarrásiidsiiddas, Aremark skuvllas ja Furulund kulturguovddážis, gos soai čáliiga namaideaska plakehttii. Guossástallan Aremárkkas loahpahuvvui lunsjain Arestad boares báhpagárdimis.

Rakkestadas lei kulturprográmma ráđđeviesu luhtte ovdalgo Ruvdnaprinsabárra manai Bygdetunas finadit. Doppe čájehedje skuvlamánát boares giehtaduodjeárbevieruid, nugo botnima, čuoldima ja márfuma. Dan maŋŋá sii bisánedje ASVOs, mii lea HVPU fitnodat. Doppe muitaledje fitnodaga birra ja čájehedje Ruvdnaprinsabárrii fitnodaga. Maŋŋil lei konsearta Rakkestad girkus, ovdal go eahket loahpahuvvui mállásiiguin ráđđeviesus.

Fredrikstad ja Råde skábmamánu 13. beaivvi

Fredrikstadas rabai Ruvdnaprinsa ođđa falástallanhálla, Østfoldhallen. Maŋŋil finai Ruvdnaprinsabárra St. Croix kulturguovddážis gos lei kulturprográmma. Boaresgávpogis soai finaiga Balaklava guosseviesus, ja doppe soai boraiga lunsja. Råde suohkanis finai Ruvdnaprinsabárra Spetalen skuvllas gos čáliiga namaideaska plakehttii. Dasto jotkkiiga mátki viidáseappot Tomb eanandoalloskuvlii ja Råde bo- og servicesenterii. Dan maŋŋá finai Ruvdnaprinsabárra Ráđđeviesus, gos Ruvdnaprinsa rabai suohkana neahttasiidduid interneahtas. Dan maŋŋá lei bisánanbáiki Olimb A/S fitnodagas, ja go doppe gearggaiga, de manne Klokkergården mánáigárdái. Beaivvi prográmma loahpahuvvui mállásiiguin Råde falástallanviesus, gos Ruvdnaprinsa goaivvastii goaivvuin mearkan dasa ahte dál de álggahuvvojit Rådehallen huksenbarggut.

Skiptvedt ja Spydeberg skábmamánu 14. beaivvi

Skiptvedtas álggii beaivvi prográmma musihkka rohkosbottuin Skiptvedt girkus, ja dan maŋŋá soai manaiga Sollia boarrásiid ja buhcciid ruktui. Vestgård skuvllas muitaledje Ruvdnaprinsabárrii suohkana eaktodáhtolaš organisašuvnnaid birra. Maŋŋá lunsja sii fitne Solbergfossen kraftstašuvnnas.

Spydeberg márkanbáikkis fitne Duhátjagibáikkis, gos lei kulturprográmma mas ledje mielde kulturskuvlla oahppit. Maŋemus báiki gos finaiga fylkamátkkis, lei Spydeberg báhpagárdin, gos Ruvdnaprinsabárra earet eará beasai gullat historjjálaš muitalemiid.