Hopp til hovedinnhold

Lihkkusávaldagat vuosttaš čuođi jahkái!

Sotnabeaivve oasálastii Majestehta Dronnet ávvuipmilbálvalusas mii čalmmustahtii Minnesota Mindegirku 100-jagi ávvudeami.

17.10.2022

Norwegian Lutheran Church of America ásahii Mindegirku jagis 1922. Dát girku lea okta guovtti girkus USAs mii ain čađaha liturgiija dárogilli,  ja lea ain čiehkajuolgin norgalaš-amerihkálaš birrasii Minneapolisa guovllus. Dán guovllus lea eanet olbmot norgalaš máttuiguin go muđui gostege USAS.

Mindegirku koara lávllui ávvuipmilbálvalusas. Govven: Simen Sund, Gonagaslaš hoavvda

Pastor Gunnar Kristiansen ja bisma Olav Fykse Tveit, preses Norgga girkus, jođiheigga ávvuipmilbálvalusa. Lei maiddái musihkkalaš guoimmuheapmi, earret eará lávllui Mindegirku koara ja VocalART geat ledje boahtán guossái Norggas.

Girkogáffe

Maŋŋel ipmilbálvalusa lei girkogáffe. Dát lea vuogas vejolašvuohta searvegoddái ja Mindegirku ustibiidda deaivvadit ja fievrridit ividáseappot norgalaš árbeveruid. Girku lea dehálaš oassi dáin árbevieruin.

Girkogáffe lea dehálaš árbevierru mii cegge oktavuođaid ja hukse kultuvrra. Govven: Simen Sund, Gonagaslaš hoavvda

Dronnet Sonja doalái sártni ávvudeddjiide:

- Go dát ásahuvvui 100 jagi dás ovdal, de sáhtii dát dárogielat girku leat veahkkin hukset báikkálaš servodagaid, doalahit kultuvrralaš árbevieruid ja dárogiela ealasin. Lea mearkkašanveara ahte čuođi jagi maŋŋel nagoda Mindegirku ain ollašuhttit dáid ulbmiliid, logai Dronnet.

Dronnet gesii maiddái ovdan eaktodáhtolaš rahčamušaid maidda girku lea sorjavaš.

- Dákkár ásahusaide go Mindegirkui, lea eaktodáhtolaččaid bargu áibbas guovddážis. Girku lea sorjavaš dasa ahte olbmot bidjet áiggit ja návccaid dása. Háliidan giitit girku eaktodáhtolaš vehkiid sin rahčamušaid ovddas.

Loga Dronnet sártni

Mindegirku ávvudeapmi loahpahii Majestehta Dronnega almmolaš galledeami Minnesotai.

Dronnet Sonja ja Anniken Ramberg Krutnes, Norgga ambassadevra. Govven: Simen Sund, Gonagaslaš hoavvda

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas