Dronnet galleda USA

Okta juohke guđát Minnesota ássis leat ruohttasat Norggas, ja dat dagaha birrasiid 870 000 olbmo. Okta ásahusain mas leat čanastumit Norgii, lea St. Olaf College, man norgalaš sisafárrejeaddjit vuođđudedje jagis 1874. Dát universitetha lea doalahan lagas oktavuođa Norgii ja fállá oahpahusa eará Norgga kultuvrras, historjjas ja gielas

St.Olaf College Presideanta David Anderson sávvá Dronnegii buresboahtima. Govven: Simen Løvberg Sund, Gonagaslaš hoavva.

Historjjálaš čoakkáldat

Dronnet Sonja galledii St.Olaf College čalmmustahttit ahte rahppo ođđa vuorká historjjálaš čoakkáldahkii. Dát vuorká lea erenoamážit ráhkaduvvon váldit vára historjjálaš muittuid albmaládje, ja vuorká galgá leat áibbas gárvvis čavčča mielde.

Dronnet Sonja oahpásmuvai lagabuidda vuorkká čiegus ártnaide go dárogielstudeanttat lohke jitnosit oasážiid “Amerihkareivviin” doaluid oktavuođas.

Dronnet Sonja oasálastii historjjálaš vuorkká rahpahndoalluin St.Olaf Collegas. Govven: Simen Løvberg Sund, Gonagaslaš hoavva.

Ođđa vuorká lea ovttasbargu the Norwegian-American Historical Associationiin (NAHA). NAHA vuođđuduvvui jagis 1925 go dalle lei čalmmustahttin das ahte ledje gollan 100 jagi dan rájes go bođii sisafárrenbárru Norggas USAi. Dohko leat dál čohkkejuvvon reivvet, beaivegirjjit, govat ja eará dávvirat mat oktiibuot dagahit erenoamáš, divrras gáldu norgga immigrašuvnna birra.

Presideanta David Anderson ofelastii Dronnega ja su joavkku vuorkkás ja sii besse maiddái oaidnit smávit dokumeanttačájáhusa mat leat čadnon čoakkáldaga ásaheapmái jagis 1925. Dronnet Sonja beasai gullat lagabuidda doaimmaid birra maid áigot čađahit sisafárrema 200-jagi ávvudeami oktavuođas jagis 2025.

Govven: Simen Løvberg Sund, Gonagaslaš hoavva.

This is the fourth time Queen Sonja has visited St. Olaf College. Two previous visits were made with His Majesty the King, in 2011 and 2008. Her first visit was in 1978, when she was Crown Princess.  

Čoahkkin guvernevrrain

Majestehta álggahii álmmolaš galledeami duorastaga go Minnesota guverevra Tim Walz  válddii su vuostá State Capitolas. Walz lea Minnesota  41. guvernevra ja ovddasta demokráhtalaš bellodaga. 

Nanu čanastumit ja áŋgiruššamat ovttasbargguin gaskal Norgga ja Minnesota, ledje fáddán go Dronnet Sonja deaivvadii guvernevra Walzain. Govven: Simen Løvberg Sund, Gonagaslaš hoavva.

Ovttasbargu gaskal Norgga ja Minnesota deattuhuvvui doaluin maŋŋel gos maiddái ledje NOREX ovddasteaddjit, dát lea lonohallanprográmma gaskal Minnesota našuvnnalašgárde ja Norgga Ruovttosuodjalusa mii lea bistán measta 50 jagi.

Guverevra Tim Walz:

- From Minnesota’s longstanding cultural and social ties to Norway to our 49-year-long National Guard exchange, I am proud of Minnesota’s extraordinary relationship with Norway and look forward to further strengthening and expanding our ties.

Govven: Simen Løvberg Sund, Gonagaslaš hoavva.

Norway House

Lávvordaga rahpá Dronnet ođđa Norway House  Minneapolisas. Eahkes son searvá almmolaš mállásiidda mat čalmmustahttet dán dáhpáhusa. Guosselistus leat sii geat leat váikkuhan dasa ahte dát visti šaddá duohtan, ja dasto geat barget Norgga beroštumiid-, historjjá- ja kutuvrra ovddidemiin USAs.